810

Bir sene zarfında altmış kere dersinde bulunmayan talebe imtihâna kabûl olunmayacakdır.

Hîn-i imtihânda ‘aliyyü’l-a‘lâ ve a‘lâ derecede cevâb verenler mâfevkındaki sınıfa geçirilüb karîbü’l-a‘lâ cevâb verenler ile ednâlar geçemeyecekdir.

Her bir sınıfda ‘aliyyü’l-a‘lâ cevâb verenlerden üç şâkirde yüz, yüz elli, iki yüz guruşluk bir hediyye verilecek işbu hediyye masârif-i müteferrika ma‘âşından tedârik olunacakdır.

Hitâm-ı tahsîllerinde şâkirdân-ı mûmâileyhim doktor imtihânlarından mu‘âf olub hâcelerin huzûrunda bir kaç fenden bir sâ‘at mikdârı mubâhese-i ilmiyye edecekdir.

Tedrîs ve tahsîl mümkün mertebe muhtasar ve müfîd sûretde olacakdır.

Her bir hâce bilâ-‘özr-i şer‘î derslerini terk ve ta‘tîl edemeyüb kâffe-i eyyâm-ı tedrîsiyyede vakt-i mu‘ayyende mektebde bulunub derslerini verecekdir.

Hâceler nezâret tarafından intihâb olunan kitâblara bi’l-mürâca‘a tedrîs edeceği fen Türkçe’ye tercüme ve ‘Arabî ve Türkîlerini bulamadığı ıstılâhâtın Fransızcalarını ‘aynen kabûl ederek talebeye tedrîs ve tefhîm edeceklerdir.

Tahsîl-i fenn-i ispençiyâri üç seneye münhasır olub tıb dersleriyle birlikde tedrîs olunacakdır.

(Birinci sene) ‘İlm-i hikmet, ‘ilm-i kîmyâ (İkinci sene) Fenn-i nebâtât, fenn-i ispençiyâri (Üçüncü sene) Müfredât-ı tıb, ‘ilm-i hayvânât.

Eczâcı şâkirdân hakkında gerek tahsîlce ve gerek mükâfâtça ve gerek imtihânca olacak mu‘âmele tabâbet tahsîlinde bulunan şâkirdân misillü olacakdır.

Tedrîs olunacak derslerin vakt ve zamânı cedvel-i mahsûs mûcibince olacakdır.

Birinci sınıf şâkirdânı elli neferden ‘ibâret olub bu mikdârı tecâvüz etmemek...

ve sene