816

İki kat olacağından başka iki aydan altı aya kadar haps olunacakdır.

On üçüncü madde: Üçüncü ve dördüncü ve beşinci ve altıncı maddelerin hilâfına hareket edenler bir Mecidiye altınından beş Mecidiye altınına kadar cezây-ı nakdî ahz ile mücâzât olunacaklardır.

On dördüncü madde: Sekizinci ve onuncu ve on birinci maddelerin hükmüne tevfîk hareket etmeyenlerden üç Mecidiye altınından yedi Mecidiye altınına kadar cezây-ı nakdî alınacakdır.

( Fasl-ı Râbi‘ )
( Tetimme-i Nizâmât )

On beşinci madde: İşbu nizâmnâmenin neşr ve i‘lânı târîhinden i‘tibâren muktezâsı üç mâh mürûrunda Der-i ‘Aliyye’de ve bir sene mürûrunda taşralarda icâzetnâmeli hekim bulunan yerlerde kaviyyen destürü’l-amel tutulacakdır ve icâzetnâmeli hekim bulunmayan yerlere dahi hekim tedârik ve irsâl ile bu nizâmnâmenin serî‘an her yerde icrây-ı ahkâmına Mekteb-i Tıbbiye Nezâreti me’mûrdur.

On altıncı madde: Dersa‘âdet’de Mekteb-i Tıbbiye-i Şâhâne’ye kayd olunmuş bulunan cemî‘ etibbânın bir defter-i esâmîsi ba‘de’t-tahrîr gazeteler ile neşr ve i‘lân olunarak mecmû‘ eczacı dükkânlarına birer nüshası irsâl ve tevzî‘ olunacakdır.

On yedinci madde: Bir sene hilâlinde Mekteb-i Tıbbiye-i Şâhâne’ye kayd olunan doktorların esâmîsi sene hitâmında defter-i doktorana zamm ve ‘ilâve olunacakdır ve bir doktorun henüz Mekteb-i Tıbbiye-i Şâhâne’ye kayd olunduğu Meclis-i Tıbbiye tarafından bi’l-cümle ispençiyarana bildirilecekdir.

Fî 7 Rebî‘ü’l-âhir sene 1278

Beledî