832

Marmara limanlarına yâhûd mahâll-i sâirelerine azîmet edecek sefâin ol mahâllere gitmezden evvel Âsitâne’de karantinasını çıkarmağa mecbûr olurlar

On Dördüncü Mâdde
Temiz patenteli sefâin derûnuna me’mûrînin çıkmasına dâir memnûiyet

Birinci Bend
Dersaâdet’de ve Memâlik-i Mahrûse’nin liman ve usûl-i karantina icrâ olunacak mahâll-i sâirelerinde temiz patenteleri hâmil olan sefâin derûnuna her bir vakitde karantina me’mûrlarının çıkması memnû‘ ola
( Temiz patenteyi hâmil olub memleket ile ihtilât itmek isteyen sefâin )

İkinci Bend
İşbu memnûiyet mâddesi temiz patenteleri hâmil olub Karadeniz’de karantina usûlü icrâ olunan limanlara yâhûd mezkûr limanlardan bilâd-ı ecnebiyeye gidecek olub Dersaâdet’de ve Memâlik-i Mahrûse’nin dîger hîç bir mahâllinde ihtilât itmek isteyen sefâin hakkında dahâ ziyâde cârî ola

Üçüncü Bend
Sefâin-i mezkûre kapudanları parlatoryaya filikalarını irsâl ve karantina me’mûrlarına patentelerini teslîm itmek mecbûriyetinden vâreste olalar ve bu misillü sefâin vusûlünde hâmil oldukları patenteleri görmek içün karantina me’mûru hîç bir vechle ihtilât itmeyerek sefâin-i mezkûrenin yanına gitmeğe mecbûr ola ve işbu sefâin havâ müsâade itdiği hâlde Kızkulesi pîşgâhında lenger-endâz olarak baş direklerine bayraklarını çekeler şöyle ki parlatoryanın me’mûru niyetlerine âgâh olub kendü kayıkçıları tarafından i‘tâ olunacak evrâkın te’diyesi esbâbına teşebbüs eyleye

( Tabîbin vazîfesi )

On Beşinci Mâdde
Şübheli ve bulaşık hey’etinde olub hastası bulunan bir sefîne derûnuna karantina tabîbinin çıkması külliyen memnû‘dur ve bu misillü keyfiyetlerde hastayı sefînenin filikasına indirdüb münâsib mertebe uzakdan muâyene ide ve münâsib gördüğü hâlde tahaffuzhâneye çıkarda

On Altıncı Mâdde
Karantina çıkarmaksızın geçen sefâin

Birinci Bend
Meşkûk yâhûd bulaşık patente ile Memâlik-i Mahrûse’nin limanları yâhûd mahâll-i sâirelerine gelüb yolcularını ve hamûlelerini külliyen yâhûd bir mikdârını ba‘de’l-ihrâc karantina çıkarmazdan evvel azîmet itmek isteyen sefâin karantinasını çıkarmak