844

Otuz beşinci madde Yolcuların hîn-i vürûdlarında kâffe-i eşyâları muâyene olunub müddet-i karantinalarında dâimâ havalandırılacakları

Otuz altıncı madde Berrî kânûnnâmesi mûcibince gerek yolculara ve gerek eşyâsına ve gerek emtia-i tathîriyeye me'mûr hammâllara esnâ-yı karantinada üç def'a tütsü 'arz olunacağı ya'nî karantinaya girdikleri gün ve nısf-ı karantinalarında ve pratika almadan bir gün evvel ve iskele olmadığı hâlde gemi tayfaları dahi bu usûl üzere tütsüleneceği

Otuz yedinci madde Bir yolcının vebâ hastalığına dûçâr olub tabîb tarafından dahi tahkîk olundığı hâlde bu misillü hasta âher yolcuların sâkin oldukları odalardan ba'îd bir odaya konılacağı

Otuz sekizinci madde Bu misillü hastanın sâkin oldığı odadan çıkub kendüye tahsîs olunan mahalle gitdigi esnâda âher yolcuların odalarından çıkmaları men' olunacağı ve bu hastanın bulundığı mahallin kapusının yanında bir gardiyân bekleyüb her nev' ihtilât ve münâsebeti men' edeceği

Otuz dokuzuncu madde Bu misillü hasta ile ihtilât etmiş olan yolcılar ayrıca bir odaya konılub karantinaları ol günden i'tibâr olunacağı ve hey'et-i sıhhiyeleri hakkında hîç bir şübhe kalmayacağa degin âher yolcılardan ziyâde anların hakkında usûl-i tathîriye te'kîden icrâ olunacağı ve tabîb dahi anları her gün muâyene edeceği

Kırkıncı madde Vebâ hastalığına dûçâr olan kimsenin sâkin oldığı mahalden taşraya hîç bir şey çıkmamasına te'kîden dikkat-i külliye olunacağı ve bu misillü hasta ile ihtilât etmiş olan kimsenin bulundukları mahallerden dahi taşraya şey çıkmasını men' etmek üzere odaların hâricinde bir nöbetci gardiyânı bekleyeceği

Kırk birinci madde Bu misillü hastanın yarasında kullanılan nesneler yara üzerinden kalkdığı gibi mecmû'ı muhterik olacağı

Kırk ikinci madde Karantina me'mûrı ve tabîbi vebâdan vefât edenleri tahaffuzhânede bu husûs içün tahsîs kılınan mahalde dezenfekte altı kadem yer mezâra defn etdirecekleri

Fark