866

Gardiyan vaz‘ olunarak merkûm dâ’imâ sefîne-i mezbûreye nezâret eyleyeceği
ve kapudanın yevmiye on beş guruş sandal-ı mezkûr içün edâ eylemesi işbu tertîbât
beyân olundığı üzere icrâ olundukda sefînenin karantinası ber-tahaffuzhâne
bulunan mahalde çıkarılmadıkça limâna kabûl olunmayacağı kapudan-ı mesfûra ifâde
olunacağı fakat sefînenin suya yâhûd zahîre ihtiyâcı oldığı takdîrde
tedâriki husûsuna ruhsat verilecek isede her nev‘ ihtilâtdan men‘
olunarak ahz olunan akçe mal sâhiblerine verilmezden evvel sirke ile vaz‘
olunacağı ve sefîneden gerek meşkûk ve gerek temiz bir şey taşra çıkarılmak
memnû‘âtından bulundığından çıkarıldığı hâlde me’mûrun cezâsı azl olunmak
idüği.

Dördüncü bend: Üçüncü bendde beyân olundığı üzere karantinada bulunan sefîne
kapudanı kendisine lâzım olan zahâiri tedârik eyledikde ve havâ eyü oldukda
sefîne-i mezbûrenin gitmesi me’mûr tarafından kapudana beyân olunacağı ve husûs-ı
mezbûrı kapudan mersûm boş bahânelerle kabûl etmeyecek olur ise
müdîr-i merkûm ma‘iyetinde bulundığı me’mûra ifâde eyleyerek me’mûr dahi kapudan
mesfûrun ismi ve mahlası ve sefînenin ismi ve cinsi ve bandırası ve geldiği
mahalli tahkîk eyleyerek ale’l-isti‘câl taraf-ı Nezâret-i Tahaffuzîye haber vermek
sa‘y ve gayret eyleyeceği.

Beşinci bend: Serbestçe pratikâ verilüb giden sefâinin tezkere-i sıhhiyleriyle
bahra ve berrâ gidecek yolcıların tezkerelerine me’mûrîn-i merkûme taraflarından
şerh verileceği.

Altıncı bend: Me’mûrîn-i merkûmenin bulundukları limân ve iskelelerden hareket eden
sefîne ne sebebe mebnî olur ise olsun müceddeden tezkere i‘tâ eylemeleri
memnû‘ olub fakat ibtidâdan serbestçe pratikâ verilen sefîne kapudanlarının
kendülere ibraz eylediği tezkere-i sıhhiyelere ikinci bendde beyân olunan tertîbât-ı
tahaffuzîye tekmîlen icrâ olundukdan sonra yalnız şerh verecekleri ve husûs-ı
mezbûrda me’mûrîn-i merkûme tarafından nizâmsız bir hareket veyâhûd ihmâl
ve tekâsül vukû‘ buldukda azl olunacakları ve îcâb eylediği hâlde te’kîden
tekdîr olunacakları.

Yedinci