874

Otuz üçüncü bend: İspolyo eden yolcular ber-mûcib-i ta'rife avâid-i tahaffuziyeyi
itâ edip ve eşyalarının tathîrleri ve kendi yıkanmaları zımnında zuhûra gelen
masârifâtı dahi edâ edecekleri
( Postahâneler me'murları ve tatarlar ve sürücülerin icrâ edecekleri )
( Karantina usûlüne dâir cânib-i meclis-i tahaffuzdan itâ olunan )
( Temhûr tertîbât-ı tahaffuziyenin sûretidir )
Tatarların hareket ettikleri mahallin karantina me'murları tarafından tezkire-i sıhhiye ahz
eyleyip mürûr eyledikleri ve vâsıl oldukları şehirlerde ibrâz edip geçecekleri
her bir memlekette tezkirelerine şerh ve temhîr ettirmeleri
Zikr olunan tatarların mürûr eyleyecekleri şehir ve kasabât ve kurâda vebâ illeti
zuhûra geldikde bulaşmamaları içün yollarını tebdîl eyleyip başka bir tarafdan
geçmeleri lâzımeden olduğu
Bulaşık olan bir memlekete gelecek evrâk olduğu hâlde şehr-i mezkûra
vardığında bilâ-ihtilât mahall-i mezkûr karantinasına gidip tahaffuz me'muru
ve tabîbi ve posta me'mûruna haber gönderip gelmelerine muterakkıb olmaları ve me'mûrîn
merkûme karantinahâneye geldiklerinde meşin evrâk torbasını açıp ve şehr
mezkûra mahsûs olan evrâkı postahâne me'mûruna teslîm eylemeleri
ve bulaşık memleketden evrâk alacak olduğu hâlde lâyıkı vech üzere tathîr
olundukdan sonra tatar meşin torbasına vaz' eyleyerek torba postahâne
me'mûru mührüyle temhîr olunması ve işbu tertîbât icrâ olundukda ta'cîlen
gidecekleri mahalle mürûr eylemeleri
Tahaffuz me'mûru bulunmayan bulaşık bir şehre mektûbları olduğu hâlde aslâ
ol mahalde durmayıp mürûr ederek şehr-i mezkûra ta'yîn olunan postahâneye
ve yâhûd posta-i husûsî kendisine sipâriş olunan me'mûra itâ eyleyip
merkûm dahi takayyüd ve dikkatle aslâ bulaşık şehre girmemek ve ihtilât etmemek
üzere müstakil bir tatar ile mahalle irsâl eyleyeceği
Tahaffuz me'mûru bulunmayan mahal postası hizmeti şehrin bulaştığı anda men'
olunup memâlik-i mahrûse-i şâhânede karargîr ve te'sîs olunan tanzîmât-ı tahaffuziye
mûcibince el-askere vukû'a gelen vebâ illetinden otuz gün temâmında gine serbestçe
pratika