879

(Yirmi bir Haziran sene-i mezbûre)
Yük envaından olmayan kıl bulaşık kabul eder nesneden addolunmayacak ise de derûnuna güzelce bakılacağı

(Yirmi sekiz Haziran sene-i mezbûre)
Karantinada bulunan yolculardan bedenlerinde ve yâ alak zuhûr eder ise vebâlı adamın ayrıldığı târîhden îtibâren sâirlerinin yirmi bir gün karantina eyleyecekleri

(Bin sekiz yüz kırk iki sene-i mîlâdiyesi Şubatının on birinci günü)
Mal sâhibleri masâriflerini kendileri ederek tahaffuzhâneden mallarını karantinası tekmîl oldukdan sonra alacakları

(Yirmi Nisan sene-i mezbûre)
Bulaşık sandıklar sâhib ve yâhud vekîlleri olmadıkça açılmayarak güzelce hıfz olunacağı

(On altı Ağustos sene-i mezbûre)
Hamûleli sefâyin derûnunda gardiyan bulunduğu takdîrde dahi yolda geçen günleri karantina müddetine mahsûb olunamayacağı

(On sekiz Kânûn-ı Sânî sene-i mezbûre)
Mallarının karantina eylediği vakitlerde nezâret olunmak üzere tüccâr taleb eyledikde taraflarından tahaffuzhâneye bir vekîl göndermeğe me'zûn bulundukları

(On Haziran sene-i mezbûre)
Karantina çıkarmakta olan kimesneler ile ihtilât eden geminin dahi anın karantinası tekmîline kadar karantina eyleyeceği

(On dokuz Ağustos sene-i mezbûre)
Hamûleli olan beylik sefâine tüccâr sefînesi gibi muâmele olunacağı

(Bin sekiz yüz kırk dört sene-i mîlâdiyesi Martının üçüncü günü)
Ziyâdesiyle kazâzede olup fi'l-hakîka aşırı fenâlaşacağı gereği gibi tahakkuk eden sefâine iâne olunmak üzere tahaffuzhâne bulunmayan mahalde dahi icrâ-yı karantina eyleyeceği

(İki Nisan sene-i mezbûre)
Karantina me'mûrları gardiyanı etbâı gibi hizmetlerine kullanmayacakları meselâ...