881

( Yirmi dokuz Kânûn-ı Sâni sene-i mezbûre )

Bariç Zanbale’lerine karantina-i lâyıkıyla bakılarak icab eden rüsûmâtı ahz olunacağı

( Bin sekiz yüz kırk altı sene-i milâdiyesi Haziranının yirmi beşinci günü )

Sarı ca'lık bulunan mahallerden gelen sefâine karantina ettirileceğinden ... ya tezkirelerine şerh verilmesi

( Yirmi yedi Haziran sene-i mezbûre )

ve bâden şifâyâb olanların müddet-i karantinası Spolyo’dan sonra dokuz gün idüğü

( Yirmi dört Teşrin-i Evvel sene-i mezbûre )

temiz sefînenin bulaşık sefîneyi çekmeye ruhsatı olmadığı

( İbtidâ-yı Teşrin-i Sâni sene-i mezbûre )

tahaffuzhâneden mâadâ mahalde karantina edilmek memnuâttan idüğü

( Bin sekiz yüz kırk yedi sene-i milâdiyesi Haziranının on yedinci günü )

Bahr-i Sefîd’de kâin bulaşık yolcu ve eşyayı yedi mahallin karantinası kabulüne me’zun olup mâadâ yani tahaffuzhânesi ve hekimi bulunan mahaller karantinaları dahi o memleket ve civarı için gelecekleri kabul edip mâadâ mahal için gelecekleri kabul edemeyecekleri ve fakat bi’l-icab gerek Devlet-i Aliyye ve gerek düvel-i sâire taraflarından zî-rütbe olarak me’mûriyet-i mahsûsa ile bulaşık mahalle gidecek olan me’mûrin hakkında istisnâ olarak istedikleri mahal tahaffuzhânesinde icrâ-yı karantina edebilecekleri ve bu husûs zımnında mukaddem ve muahhar bir tafsîl taraf-ı nezâretden yazılmış olan mekâtib-i resmiye dahi tâlimâta ilâve kılınmış olduğundan icâbı hâlinde ana mürâcaat lâzım geleceği

( Bulaşık sefâyin ve yolcıyâna vaz’ ve tâyin olunan )
( Gardiyanlara dâir tâlimâtdır )

Birinci madde: Yolcıyan odalara konulduğu gibi kaç yolcu olduğunu sayıp kaç kişi olduğunu bilmek ve sonra silâhlarını toplayıp ip ve bazoçura gibi şeyler var ise cümlesini çıkarıp icab eden me’mûra vermek ve mezkûr ip ve bazoçura mezkûr silâhın üzerinde yerlü olup söküp ve çıkarmak mümkin olamaz ise me’mûrun gösterdiği yere bulaşık gardiyan kendisi
ni