Büyük Dil Modeli Tarafından Üretilen Metin
903
İnkızâsından beş gün evvel işbu nizâmnâme mûcibince meclis-i intihâbda huzûru lâzım gelen rehâbîn ve avâmın cümlesine kâim-makâm tarafından dâvet tezkireleri irsâl olunarak teşkîl kılınacak meclis-i umûmînin yevm-i mukarreri bildirilecektir. Yevm-i mezkûrda dâvet olunanların cümlesi mahall-i cem‘ine gelip şahısları tahkîk ve tasdîk olunduktan sonra kapular kapalı olarak bilcümle erbâb-ı meclisin muvâcehesinde cemâat-i metropolidânın kâtibiyle meclisin iki nefer âzâsı re’y varakalarını küşâd ile tertîb ve ta’dâd edeceklerdir.
Beşinci Madde
Re’y varakalarında isimleri zuhûr edecek piskoposların kimine ziyâde ve kimine az re’y isâbet ettiğine bakılmayarak cümlesi mütesâviyen kâbil-i intihâb olacaklardır.
Altıncı Madde
Mezkûr re’y varakalarında isimleri zuhûr etmeyen piskoposlardan batrikliğe lâyık ve şâyeste olanlarını erbâb-ı meclisden avâm tâifesinin bâzıları arz eyledikleri halde bu misillüler dahi meclisin sülüs âzâ-yı rûhbâniyesi tarafından tensîb olunur ise kâbil-i intihâb olanlar adâdına dâhil olacaktır.
Yedinci Madde
Bu sûretle kâbil-i intihâb olmak üzere tâyin olunan metropolidânın esâmîsi bir deftere yazılıp zîri huzûr-ı meclisde kâim-makâm ve cemâat-i metropolidân ve meclis-i muhtelit âzâsı taraflarından imzâ ve temhîr olunacaktır.
Sekizinci Madde
Batrik olacak zât kilisaca reîs-i rûhânî olduğu misillü batrikliği dâhilinde bulunan Hristiyanların bâzı mesâlih-i dünyeviyelerinde dahi Devlet-i Aliyye’nin vâsıta-i tenfîz-i ahkâmı olduğundan umûr-ı rûhâniye ve milliyede ehil olan zâtın tâyini için emr-i intihâb rüesâ-yı rûhâniye ve avâma âid olup fakat saltanat-ı seniye kendisine bittabi âid olan hakk-ı revi intihâb-ı umûmîden çıkan bir zât hakkında icrâ mecbûriyetinde bulunmamak üzere madde-i sâbıkada beyân olunduğu vechle yapılacak kâbil-i intihâb olanların defteri derhâl Bâb-ı Âlî’ye gönderilecektir. İşbu defterde esâmîsi muharrer zevâttan şâyet umûr-ı mülkiyece liyâkati görünmeyen kimseler bulunur ise istisnâsiyle sâirlerinin intihâbı icrâ olunması yirmi dört saat zarfında bâ-tezkere cânib-i Bâb-ı Âlî’den batrikhaneye bildirilecektir.
İnkızâsından beş gün evvel işbu nizâmnâme mûcibince meclis-i intihâbda huzûru lâzım gelen rehâbîn ve avâmın cümlesine kâim-makâm tarafından dâvet tezkireleri irsâl olunarak teşkîl kılınacak meclis-i umûmînin yevm-i mukarreri bildirilecektir. Yevm-i mezkûrda dâvet olunanların cümlesi mahall-i cem‘ine gelip şahısları tahkîk ve tasdîk olunduktan sonra kapular kapalı olarak bilcümle erbâb-ı meclisin muvâcehesinde cemâat-i metropolidânın kâtibiyle meclisin iki nefer âzâsı re’y varakalarını küşâd ile tertîb ve ta’dâd edeceklerdir.
Beşinci Madde
Re’y varakalarında isimleri zuhûr edecek piskoposların kimine ziyâde ve kimine az re’y isâbet ettiğine bakılmayarak cümlesi mütesâviyen kâbil-i intihâb olacaklardır.
Altıncı Madde
Mezkûr re’y varakalarında isimleri zuhûr etmeyen piskoposlardan batrikliğe lâyık ve şâyeste olanlarını erbâb-ı meclisden avâm tâifesinin bâzıları arz eyledikleri halde bu misillüler dahi meclisin sülüs âzâ-yı rûhbâniyesi tarafından tensîb olunur ise kâbil-i intihâb olanlar adâdına dâhil olacaktır.
Yedinci Madde
Bu sûretle kâbil-i intihâb olmak üzere tâyin olunan metropolidânın esâmîsi bir deftere yazılıp zîri huzûr-ı meclisde kâim-makâm ve cemâat-i metropolidân ve meclis-i muhtelit âzâsı taraflarından imzâ ve temhîr olunacaktır.
Sekizinci Madde
Batrik olacak zât kilisaca reîs-i rûhânî olduğu misillü batrikliği dâhilinde bulunan Hristiyanların bâzı mesâlih-i dünyeviyelerinde dahi Devlet-i Aliyye’nin vâsıta-i tenfîz-i ahkâmı olduğundan umûr-ı rûhâniye ve milliyede ehil olan zâtın tâyini için emr-i intihâb rüesâ-yı rûhâniye ve avâma âid olup fakat saltanat-ı seniye kendisine bittabi âid olan hakk-ı revi intihâb-ı umûmîden çıkan bir zât hakkında icrâ mecbûriyetinde bulunmamak üzere madde-i sâbıkada beyân olunduğu vechle yapılacak kâbil-i intihâb olanların defteri derhâl Bâb-ı Âlî’ye gönderilecektir. İşbu defterde esâmîsi muharrer zevâttan şâyet umûr-ı mülkiyece liyâkati görünmeyen kimseler bulunur ise istisnâsiyle sâirlerinin intihâbı icrâ olunması yirmi dört saat zarfında bâ-tezkere cânib-i Bâb-ı Âlî’den batrikhaneye bildirilecektir.