924

Sekizinci Madde: Meclis-i muhtelit-i mezkûr azasının sinleri otuz yaşından ziyade olması ve Dersaadet sekene-i saniyesinden ve an asıl teba-i Devlet-i Aliyye’den ve umur ve mesalihde kesb-i tecrübe ve itibar ve devlet ve millete tahsil-i vusuk ve emniyet etmiş zevattan bulunması elzemdir.

Dokuzuncu Madde: Nasb ve tayini bi’l-kabul icra-yı memuriyete mübaşeret eden aza iki sene müddet-i muayyinesi inkıza bulmazdan evvel sebeb-i makul olmadıkça istifa edemeyecektir.

Onuncu Madde: Sebeb-i makule mebni memuriyetinden istifaya mecbur olanlar ile esna-yı hizmetde vefat eden azanın müddet-i bakiye için diğeri Patrik ile beraber cemaat metropolidan ve meclis-i muhtelit azası taraflarından bi’l-intihab suret-i icrası Bab-ı Ali’ye arz olunacak ve o misillüler devr-i âtide dahi müstahakk-ı intihab görülebilecektir.

On Birinci Madde: Aza-yı meclisden hiç birine bir tarafa azimet için iki mahdan ziyade izin verilemeyeceğinden iki aydan ziyade gaybubet edecek azanın heman yerine bend-i sabık meali mucibince diğeri intihab kılınarak icra-yı memuriyeti zımnında keyfiyet Bab-ı Ali’ye arz kılınacaktır.

On İkinci Madde: Azadan her birinin eyyam-ı muayyenede meclisde hazır olması mukteza-yı memuriyetden olub bunun aksi memnu olarak bir aydan ziyade birinin manii zuhurunda keyfiyeti reis-i meclis tarafına ihbar ve ifadeye mecbur olacağı misillü bila-ihbar bir mahdan ziyade gaybubet edenin istifa etmiş veyahut onuncu bendin meali iktizasınca mahalline diğerinin nasbı lazım gelecektir.

On Üçüncü Madde: İrtikab ve irtişaya dair aza-yı meclisden biri aleyhinde bir dava zuhurunda eğer piskoposlardan ise hakkında piskoposluk nizamnamesinin sekizinci maddesine tevfikan muamele olunacak ve eğer avamdan ise Ceza Kanunname-i Hümayunu ahkamına tevfikan muhakeme ve hükm olunmak üzere keyfiyet Bab-ı Ali’ye arz ve inha olunacaktır.

On Dördüncü Madde: Meclis-i muhtelit-i mezkûrun kalem odası ve verilecek talimat üzerine baş kâtibin zîr-i idaresinde olarak derûn-ı Patrikhanede mahsus oda...