928

On altıncı madde beher Ortodoks Hristiyanın farîza-i zimmeti olduğu misillü âzâ-yı mezkûrenin her biri dahi tarîk-i ruhbandan olanlardan bazısının sû-i hâl ve hareketini istihbâr eyledikde iktizâ eden tedâbire teşebbüs olunmak üzere keyfiyeti Patrik ve Cemaat-i Metropolidan taraflarına arz ve ifâdeye müsâraat edeceklerdir.

(Yüz otuz bin kuruş Dersaadet ahâli-i İseviyesi tarafından ve üç yüz yetmiş bin kuruş dahi ber-vech-i âtî her birine isâbet ettiği mikdara göre maaş-ı mukannenleriyle beraber Piskoposlar taraflarından tahsîl ve millet sandığına teslîm olunmak ve kendisine ceste ceste verilmek üzere Meclis-i Muhtalit-i Milletde ittifâk-ı ârâ ile İstanbul Patriği için tahsîs kılınmış olan senevî beş yüz bin kuruş maaş ile İstanbul Patrikliğine merbût ve tâbi bi'l-cümle Piskoposların senevî maaşlarını mübeyyin nizâmnâmenin tercümesidir)

Birinci madde İstanbul Patriği bulunan zâtın senevî beş yüz bin kuruş maaş-ı mukanneni olup Patrikhane Hazinedarı ile Mühürdarı ve sâir Patrik hizmetinde bulunan bi'l-cümle müstahdemînin ücretleriyle kilisa ve milletin vikâye-i şânı iktizâsınca masârif-i sâire-i lâzimesi meblağ-ı mezbûrdan tesviye olunacak ve Patriğin bazı masârif[i]çün bundan böyle millet sandığından hiç bir akçe verilmeyecektir.

| Piskoposlara beher sene verilecek maaş | İstanbul Patriğinin maaş-ı senevîsiçün beher piskoposlukdan te’diye olunacak mebâliğ | Yekûn | |
| :---: | :---: | :---: | :--- |
| Kuruş | Kuruş | | |
| 60000 | 3000 | 063000 | Kayseri Piskoposluğuna |
| 100000 | 5000 | 105000 | Kuşadası |
| 090000 | 5000 | 095000 | Ereğli |
| 090000 | 3000 | 093000 | Kapudağı |
| 060000 | 2500 | 062500 | İzmid |