934

İcra ederek ancak panayırlarda veyahud fevkalâde olarak nâs tarafından davet olundukda masarif-i vakıası davet edenler tarafından verilecektir.

( Piskoposların perâkende avâid-i mahsusaları )

Beşinci Madde — İstanbul Patrikliğine merbut bilcümle piskoposluklarda piskoposun sınıfına bakılmayarak bilâ-fark düğün ruhsatı tezkireleriçün fakat on guruş alınacakdır.

Altıncı Madde — Piskoposlar taraflarından verilecek tatbiknameler içün alınacak akçe boşanan zevatın vakt-i haline göre alınacak ve her halde yüz guruşdan aşağı olmayub meblağ-ı mezbur ol memleketin hayrat ve hasanatına tahsis kılınacakdır.

Yedinci Madde — Kilisalerde icra-yı kuddas zımnında ve düğün ve cenazeler ve ahali-i İseviye taraflarından davet olunan piskoposlara ber-vech-i mutad verilecek akçe herkesin iradesine menut bir keyfiyet olub her halde elli guruşdan aşağı olmayacakdır.

Sekizinci Madde — Piskopos ikametgâhında tanzim ve tahrir olunacak her kâğıd içün yazıcı hakkı olmak üzere beş guruşdan on guruşa kadar alınacağı misillü Meclis-i Muhtalit-i Daimî nizamnamesinin üçüncü bendinde zikr ve işaret kılındığı vech üzere bu babda tertib kılınacak rüsum-namenin meali mucibince piskoposun tasdikiçün dahi alınacak bir mıkdar akçe ol memleketin hayrat ve hasanatına tahsis kılınacakdır.

Dokuzuncu Madde — Ahali tarafından taleb olunacak afros kâğıdlarıçün alınacak meblağ elli guruşdan aşağı olmayub mصلحتne [maslahatına] ve zevatın vakit ve haline göre tahsis olunarak ol memleketin hayrat ve hasanatına sarf olunacak ve afunamelerden dahi hiç bir para ahz olunmayacakdır.

Onuncu Madde — Mahalle papasları resm-i kanunî olmak üzere mahallî piskoposuna senevî fakat on guruş vererek gerek nakden ve gerek malen olsun resm suretiyle başka bir şey verilmek memnudur.

*On*