Büyük Dil Modeli Tarafından Üretilen Metin
938
( Dersaadet Ermeni Patriğinin suret-i intihabı beyanındadır )
Birinci madde: Dersaadet patriği intihab olunacak zat bilcümle millet meclislerinin riyasetini ve kuvvet-i icraiyesini haiz olarak ahval-i mahsusada Devlet-i Aliye’nin vasıta-i tenfiz-i ahkâmı olduğundan umum milletin emniyet ve itibarını calib olmak içün her cihetle bu makama layık olacak evsaf ve haysiyet ile muttasif ve ez-kadim patriklığa mahsus olan piskoposların sınıfından bulunmasiyle beraber Devlet-i Aliye’nin dahi emniyet-i kâmilesine şayan zevattan ve la-akal pederinden berü asıl tebaa-i Devlet-i Aliye’den bulunması ve otuz beş yaşını tekmil etmiş olması lazımdır.
İkinci madde: Patriğin vefatı ve istifası cihetiyle veyahut esbab-ı saireye mebni patriklık makamının halli vukuunda ruhanî ve cismanî meclisleri birleşerek kaimmakamlık etmek üzere bir zata karar verip tasdikini Bab-ı Âli’den istida eder. Dersaadet patriği meclis-i umumîde intihab olunur fakat ruhanî ve cismanî meclislerinin intihab olunan zevatın derece-i istihkakları hakkında bir kıt‘a esami defteri tanzimiyle beyan-ı rey etmeğe hakları vardır. Emr-i intihab ber-vech-i âtî icra kılınır. Şöyle ki evvel-emirde patrik kaimmakamı memalik-i mahrusa-i şahanede bulunan bilcümle piskoposların esamisini havi bir kıt‘a defter tertibiyle bunların birinci madde mucibince intihab olunmağa cihet-i istihkaklarını her birinin isminin önüne işaret ve defter-i mezkûru meclis-i ruhanîye ibraz eder ve bu meclis tarafından meclis-i umumî-i ruhanî davet olunarak rey-i hafî ile ber-vech-i âtî bir kıt‘a esami defteri tertip olunur. Meclis-i mezkûr azasından her biri ruhanice şayan-ı kabul addettiği piskoposların esamisini bir kâğıt üzerine tahrir ettikten sonra tadad-ı rey olunarak esami-i muharrere her birine isabet etmiş olan reylerin kesretine göre sıra ile bir defter-i mahsusa derc olunur. İşbu defter kaimmakam mumaileyh tarafından meclis-i cismanîye ibraz olunup bu meclis dahi defter-i mezkûrda esamisi münderiç olan zevatın cismanice derece-i kabiliyetlerini ba‘de’t-tahkik en ziyade istihkakı olanlardan patrik intihab olunabilmek üzere ekseriyet-i ara ile beş neferini tefrik ve tayin ve bu defteri meclis-i umumîye ibraz eder. Meclis-i umumî-i ruhanînin tertip etmiş olduğu defter dahi millet meclis-i umumîsinde
( Dersaadet Ermeni Patriğinin suret-i intihabı beyanındadır )
Birinci madde: Dersaadet patriği intihab olunacak zat bilcümle millet meclislerinin riyasetini ve kuvvet-i icraiyesini haiz olarak ahval-i mahsusada Devlet-i Aliye’nin vasıta-i tenfiz-i ahkâmı olduğundan umum milletin emniyet ve itibarını calib olmak içün her cihetle bu makama layık olacak evsaf ve haysiyet ile muttasif ve ez-kadim patriklığa mahsus olan piskoposların sınıfından bulunmasiyle beraber Devlet-i Aliye’nin dahi emniyet-i kâmilesine şayan zevattan ve la-akal pederinden berü asıl tebaa-i Devlet-i Aliye’den bulunması ve otuz beş yaşını tekmil etmiş olması lazımdır.
İkinci madde: Patriğin vefatı ve istifası cihetiyle veyahut esbab-ı saireye mebni patriklık makamının halli vukuunda ruhanî ve cismanî meclisleri birleşerek kaimmakamlık etmek üzere bir zata karar verip tasdikini Bab-ı Âli’den istida eder. Dersaadet patriği meclis-i umumîde intihab olunur fakat ruhanî ve cismanî meclislerinin intihab olunan zevatın derece-i istihkakları hakkında bir kıt‘a esami defteri tanzimiyle beyan-ı rey etmeğe hakları vardır. Emr-i intihab ber-vech-i âtî icra kılınır. Şöyle ki evvel-emirde patrik kaimmakamı memalik-i mahrusa-i şahanede bulunan bilcümle piskoposların esamisini havi bir kıt‘a defter tertibiyle bunların birinci madde mucibince intihab olunmağa cihet-i istihkaklarını her birinin isminin önüne işaret ve defter-i mezkûru meclis-i ruhanîye ibraz eder ve bu meclis tarafından meclis-i umumî-i ruhanî davet olunarak rey-i hafî ile ber-vech-i âtî bir kıt‘a esami defteri tertip olunur. Meclis-i mezkûr azasından her biri ruhanice şayan-ı kabul addettiği piskoposların esamisini bir kâğıt üzerine tahrir ettikten sonra tadad-ı rey olunarak esami-i muharrere her birine isabet etmiş olan reylerin kesretine göre sıra ile bir defter-i mahsusa derc olunur. İşbu defter kaimmakam mumaileyh tarafından meclis-i cismanîye ibraz olunup bu meclis dahi defter-i mezkûrda esamisi münderiç olan zevatın cismanice derece-i kabiliyetlerini ba‘de’t-tahkik en ziyade istihkakı olanlardan patrik intihab olunabilmek üzere ekseriyet-i ara ile beş neferini tefrik ve tayin ve bu defteri meclis-i umumîye ibraz eder. Meclis-i umumî-i ruhanînin tertip etmiş olduğu defter dahi millet meclis-i umumîsinde