942

Olmak üzere bir kalem olacaktır. Kalem-i mezkûr üç odaya münkasim olup biri mekatibat odasıdır ki patrikhane tarafından irsal olunan ve oraya vürud eyleyen muharrerat ile meşgul olur. İkinci kayıt odasıdır ki millet meclisi ve komisyonlarına müteallik olan evrak ile meşgul olur. Üçüncü tahrir-i nüfus odasıdır ki milletten tevellüd ve izdivac ve vefat edenlerin kaydıyla meşgul olur. Gerek yolculuğa ve gerek muamelat-ı şahsiyeye dair iktiza eden evrak-ı musaddaka ve veladet ve vefat ve izdivaca dair şehadetnameler bu odadan verilir.

On dördüncü madde: Patrikhane kaleminin kâffe-i muamelatından mesul bir müdürü olup müdür-i mumaileyh Meclis-i Cismanide intihab ve Patrik tarafından nasb ve tayin olunur. Ve Meclis-i Umuminin kitabetini icra eder. Ve her sene Dersaadet’te ve taşralarda tevellüd ve vefat ve teehhül eden nüfus defterlerinin bir kıta suretini celb ile patrikhane kalemi defter-i umumisine kayd ettirmeğe mecburdur. Müdür-i mumaileyh Ermeni lisanında malumat-ı tamme ashabından olup Türkçeye ve Fransızcaya dahi aşina olmalıdır.

On beşinci madde: Patrikhane kaleminin mikdar-ı kâfi ketebesi olup bunların dahi Ermeni lisanını layıkıyla bilmeleri ve her biri kendi hizmetinde malumat-ı kâmile ashabından olmaları lazımdır. Bunlar hizmet-i mahsusaları iktizasınca müteallik oldukları meclis ve komisyonlar tarafından hususan ve kalem müdürü tarafından umumen mesuldürler.

On altıncı madde: Tahrir-i nüfus odasından verilen kâffe-i evrak ve şehadetnameler Patriğin mührü ve kalem müdürünün imzasıyla tasdik olunmuş olmak lazımdır.

(Kudüs-i Şerif Patrikliğine Dair)

On yedinci madde: Kudüs-i Şerif Patriği Mar Yakub makamına kayd-ı hayat şartıyla kaim ve Kudüs-i Şerif’te kâin Ermeni milleti ziyaretgâhları müdürü ve Mar Yakub Manastırı ruhban cemaatinin reisidir. Ve vazifesi manastırın gözet...