944

İktiza eder Dersaadet Patrikhanesi meclisleri tarafından Kudüs-i Şerif
patriğinin muvafakatile milletçe bir hizmetde kullanılmış olanlar cemaat-i mezkûreden
munfasıl addolunmazlar.

Yirmi Üçüncü Madde: Ruhani ve cismani meclisleri birleşerek esamisi defter-i
mezkûrda münderic olan zevatın istihkaklarını bittahkik intihab olunabilmek üzere
üç neferini tefrik ve bunların isimlerini Meclis-i Umumi’ye ibraz ederler ve cemaat-i
mezkûre tarafından varid olan defter dahi Millet Meclis-i Umumisi’nde duvara
asılacak olduğundan Meclis-i Umumi kabil-i intihab olan zevat hakkında gerek
cemaat-i mezkûrenin ve gerek mezkûr iki meclisin reylerine kesb-i ıttıla
ederek zevat-ı merkume içinde diyanet ve malumat-ı müktesebe ve etvar-ı hasenesi
cihetleriyle el-ziyade istihkakı olan zatı rey-i hafi ve ekseriyet-i mutlaka-i ara ile
patrik intihab eder. Meclis-i Umumi’de cemaat-i mezkûre tarafından gelen defter
haricinde bulunan birisi hakkında ita-yı rey olunamayacaktır.

(Meclis-i Ruhani beyanındadır)

Yirmi Dördüncü Madde: Meclis-i Ruhani ehl-i kilisadan ve erbab-ı vukuftan
olarak otuz yaşını tekmil etmiş ve la-akal beş sene mukaddem rahiplik veya papaslık
rütbesini ihraz etmiş olan on dört neferden mürekkebdir.

Yirmi Beşinci Madde: Meclis-i Ruhani azası adedinin üç misli Meclis-i
Umumi-i Ruhani’de rey ile intihab olunub isimleri bir kıt’a mümza mazbata
ile Meclis-i Umumi-i Millete ibraz ve bunların içinden Meclis-i Ruhani azası
Meclis-i Umumi’de rey-i hafi ile intihab olunduktan sonra mazbatası Patrik
tarafından Babıali’ye arz olunarak ba-irade-i seniye nasb ve tayin buyurulurlar.

Yirmi Altıncı Madde: Meclis-i mezkûr azası her ikinci sene şehr-i Nisan’ın
gayesinde kâmilen dağılıp şehr-i Mayıs ibtidasında tecdid olunur. İnfisal
eden azanın heman tekrar intihabları caiz olmayıp ancak iki sene sonra
intihabları caizdir.

Yirmi Yedinci Madde: Ruhani Meclis azasından istifa vukuuna veyahud
sair bir sebebe mebni mefkud olanların adedi üçe baliğ oldukda bunların yerine
Meclis...