106

değil ise urûz hükmündedirler
1341 madde sermayenin ayn olması şarttır
deyn yani zimem-i nâsda olan alacak sermaye-i şirket olamaz
meselâ iki kimse âhar kimesne zimmetinde olan alacaklarını sermaye ittihaz
edip de anın üzerine akd-i şirket edemezler
ve birinin sermayesi ayn ve diğerinin sermayesi deyn olsa yine şirket
sahih olmaz
1342 madde urûz ve akar gibi nukûddan ma'dûd olmayan emval üzerine
akd-i şirket sahih olmaz
yani bunlar sermaye-i şirket olamaz
meğerki iki kimse böyle nukûd kabilinden olmayan mallarını sermaye-i şirket
etmek istediklerinde her biri malının nısfını diğerine satıp da iştirakleri
hâsıl olduktan sonra bu mal-ı müşterekleri üzerine akd-i şirket ede
bilirler
nitekim iki kimse misliyattan olan bir nevi mallarını meselâ birer mikdar
buğdaylarını yekdiğerine karıştırıp da beynlerinde şirket-i mülk hâsıl
olduktan sonra işbu mal-ı mahlûtu sermaye ittihaz ederek anın üzerine akd-i
şirket edebilirler
1343 madde birinin bargiri ve diğerinin eğer takımı olup da bunları
îcâr ile hâsıl olan ücreti beynlerinde taksim etmek üzere şerik
olsalar şirket fâsid olup ücret-i hâsıla bargir sahibine âid olur
ve eğer takımı bargire dâhil ve tâbi' olmakla sahibi ücretten hissedar
olamayıp ancak eğerin ecr-i mislini alır
1344 madde birinin dâbbesi üzerine diğeri emtiasını tahmîl ile
gezdirip satmak ve ribhi beynlerinde müşterek olmak üzere şerik olsalar
şirket fâsid olup hâsıl olan kâr emtia sahibinin olur dâbbe
sahibi dahi dâbbesinin ecr-i mislini alır
dükkân dahi d