117

Diğer şerikiyle bi’l-iştirâk dâmin olurlar
Ve müste’cir malını hangisine ister ise tazmin ettirir
Ve bu ziyân şerikler beyninde mikdâr-ı damâna göre taksim olunur
Meselâ işi münâsafeten takabbül ve taahhüd etmek şartıyla akd-i şirket etmişler ise
Ziyân dahi yarı yarıya taksim olunur
Ve eğer sülüs ve sülüsân vechiyle ameli takabbül ve taahhüd etmek üzere akd-i şirket
Etmişler ise ziyân dahi ikili birli olarak taksim olunur

1394 Madde Takabbülde ve amelde müşârik olmak üzere hammalların akd-i şirket
Etmesi sahihdir

1395 Madde Dükkân birinin ve âlât ve edevât diğerinin olarak iki kişi
Takabbül-i amel etmek üzere akd-i şirket etseler sahih olur

1396 Madde Birinden dükkân ve diğerinden amel olmak üzere iki kişi akd-i
Şirket-i sanâyi’ etseler sahih olur (1346) maddeye bak

1397 Madde Birinin bir esteri ve diğerinin bir devesi olub da anlarla
Hamûle naklini mütesâviyen takabbül ve taahhüd etmek üzere akd-i şirket-i a’mâl etseler
Sahih olur
Ve hâsıl olan kesb ve ücret beynlerinde münâsafeten taksim olunur
Deve yükünün ziyâde olmasına bakılmaz zira şirket-i a’mâlde şerikler damân-ı
Amel ile bedele müstahak olurlar
Amma takabbül-i amel üzerine akd-i şirket olunmayub da ester ve deveyi aynen îcâr etmek
Ve hâsıl olan ücreti beynlerinde taksim etmek üzere şerik olsalar şirket
Fâsid olub ester ve deveden hangisi îcâr olunursa ücreti sahibine
Âid olur fakat diğeri tahmil ve nakilde ana iâne etmiş ise amelinin
Ecr-i mislini alır

1398 Madde Bir kimse kendisinin ıyâlinde bulunan oğluyla birlikte
Olarak icrâ-yı san’at etse kesbin kâffesi ol kimsenin olur
Ve oğlu muîn sayılır
Nitekim bir kimse ağaç gars ederken ıyâlinde olan oğlu ana iâne etse
Ağaç ol kimsenin olub oğlu ana müşârik olmaz