147

Kâffe-i daâviden müşteriyi ibra etdiği gibi müşteri dahi anı semen-i mezkûre
müteallik kâffe-i daâviden ibra etmiş ve bu vechile beynlerinde sened taatî edilmiş iken
mebî' bi’l-istihkak zabt olunsa ibranın te’siri olmayıp müşteri vermiş
olduğu semeni bâi’den istirdad eyler (52) maddeye bak

1567 Madde İbra olunan kimesneler muayyen ve ma’lûm olmak lâzımdır
Binâenaleyh bir kimse cümle medyunlarımı ibra etdim yâhud hiç kimsede hakkım
yok dese ibrası sahîh olmaz
Ammâ falan mahalle ahâlisini ibra etdim deyip ol mahalle ahâlisi dahi muayyen ve ma’dûd
kesandan ibâret iseler ibra sahîh olur

1568 Madde İbra kabûle tevakkuf etmez
Fakat redd ile merdûd olur
Şöyle ki bir kimse dîger kimesneyi ibra etdikde ol kimesnenin kabûlü şart
değildir
Fakat ol meclisde ibrayı kabûl etmem deyü redd eylese ol ibra merdûd olur
Ya’nî hükmü kalmaz
Lâkin ibrayı kabûl etdikden sonra redd etse ibra merdûd olmaz
Ve bir de muhalünleh muhalünaleyhi yâhud alacaklı kefîli ibra edip de muhalünaleyh
yâhud kefîl anı redd etse ibra merdûd olmaz

1569 Madde Vefât eden kimesneyi deyninden ibra etmek sahîh olur

1570 Madde Bir kimse maraz-ı mevtinde veresesinden birini deyninden ibra etse
sahîh ve nâfiz olmaz
Ammâ vârisi olmayan kimesneyi deyninden ibra etse sülüs-i mâlından mu’teber olur

1571 Madde Terekesi müstağrak-ı düyûn olan kimesne maraz-ı mevtinde kendi
medyunlarından birini deyninden ibra etse sahîh ve nâfiz olmaz

İrâde-i seniyye târîhi fî 6 Şevval sene 1291