153

Olmayub icab-ı hal ve maslahata göre cereyan etmiş olduğunun tahkik kılındığı
göstermişdir.
İcab-ı maslahat lede'l-müzakere mezkûr nizamnamenin tesisinden evvel akd
olunan müdayanâtdan dolayı vakten mine'l-evkat medyunun emval-i gayr-i menkulesine
müracaat olunmayacağı dâyince umur-ı malumeden olduğu halde muahharen
vaz ve tesis olunan bir nizamın hükmünden istifade garazıyla vuku bulan
müstediyat üzerine medyunların mülklerini satmağa icbar edilmeleri muvafık-ı
adl ve hakkaniyet olmayub yalnız emlakin icar ve menafiinden ve sair varidatından
medyunun taayyüş ve idaresi içün mahkeme canibinden tayin olunacak mikdardan
fazlasının düyuna karşılık tutulması ve emval-i gayr-i menkulesinin füruhtuyla
esmanından deyninin tesviyesine muvafakat gösterdikden sonra nükûl edenlere
kezalik bu babda İcra Cemiyeti'nin salifü'l-beyan müzakeresinde muharrer mütalaat yolunda
olduğundan bu makulelerin rızalarını müş'ir mahakimce yedlerinden senedat alınarak
ve işbu senedatda muahharen tevil ve muhalefete mahal bırakmayacak kuyud terkim
etdirilerek keyfiyetlerinin verilecek ilâmatâ derc olunub bunun üzerine
medyunlar imtina ederler ise takrirlerine bakılmayarak ferağ muamelesinin icrası
suretinin usul ittihazı hususlarının Divan-ı Ahkam-ı Adliye Nezaret-i
Celilesine havalesi tensib kılındı ise de ol babda

( Divan-ı Ahkam-ı Adliye Nizamname-i Dahilisinin fasl-ı evvelinde vaki birinci )
( maddesine tezyil olunmak üzere kaleme alınan fıkra-i nizamiyedir [*] )

Mahakim-i Şer'iye memurlarından birinin ithamı vukuunda buna dair tahkikat-ı evveliyeyi
havi evrak ibtida Makam-ı Vâlâ-yı Fetvapenahî'ye gönderilip Meclis-i İntihab-ı
Hükkâmü'ş-Şer'a havale ile memur-ı müşteka-bihin taht-ı muhakemeye alınması oraca
kararlaştırıldığı halde taraf-ı vâlâ-yı Meşihatpenahî'den vaki olacak işaret-i
aliyye üzerine Makam-ı Celil-i Sadaret-i Uzma'dan Divan-ı Ahkam-ı Adliye Nezaret

[*] Mezkûr madde birinci cildin üç yüz yirmi dokuzuncu sahifesinde mündericdir.

11