169

irâesini ve her gûne iddia ve münazaayı mucib olacak mevadd ve vukuatın kâffesi zikr ve beyan olunacaktır [9]

Kırkıncı madde — Sefinenin seyr ü seferine lazım olan mühimmatın hazır olup olmadığını ve seyr ü sefer edebilecek halde bulunup bulunmadığını bilmek için tahmilinden evvel kapudan liman reisi ve olmadığı halde meclis-i belde tarafından mahsûsan tayin olunacak ehl-i hibre marifetiyle gemisini keşf ve muayene ettirmeye mecbur olacaktır. İşbu keşfin mazbatası liman reisi nezdinde veyahut meclis-i beldede bi’t-tevkif musaddak bir nüshası kapudanın yedine ita olunacaktır. Muhammiller sefinenin keşf ve muayenesinden sarf-ı nazar etseler bile kapudan mârrü’z-zikr keşf mazbatasını ibraz etmedikçe mürur tezkeresini istihsal edemeyecektir ve hukuk-ı ticaret-i bahriyeye müteallik keşfiyat için ehl-i hibre tayini Dersaadet Ticaret-i Bahriye Mahkemesi’nde ve taşralarda ticaret mahkemesi olmayan yerlerde ticaret-i berriye mahakiminde icra kılınacaktır [*]

( Kanunname-i Mezkûre Tezyil Olunan Madde )

Kazâ vukûa gelen musademat-ı cüz’iye misillü vukuatdan müddei ve müddei aleyhin muvafakatiyle sulhan tesviyesi kabil olanlar Dersaadet’de Liman İdaresi’nde ve taşralarda mahalleri liman reisleri marifetiyle tesviye ve rü’yet olunacak ve suret-i sulhiyede tesviye kabul etmeyen mevadd Dersaadet Ticaret-i Bahriye Mahkemesi’nde ve taşralarda ticaret-i bahriye mahkemesi olmayan yerlerde ticaret-i berriye mahakiminde fasl ve rü’yet edilecektir. Fî 10 Zilhicce sene 1292 ve fî 26 Kanun-ı Evvel sene 1291

( İcra Cemiyeti Nizamnamesine Zeyl )

Birinci madde — Mahakim-i nizamiyeden verilen ilamların İcra Cemiyeti’ne vürûdu

[9] Hükmü münfesih madde birinci cildin dörtyüz yetmiş sekizinci sahifesinde mündericdir.
[*] Hükmü münfesih madde birinci cildin dörtyüz yetmiş sekizinci sahifesinde mündericdir.
12