182

Tevfîkan nizâmât-ı lâzıme ta'dîl ve tashîh kılınmak üzere Şûrâ-yı Devlet'e ma'lûmât
i'tâsı bâbında

Fî 19 Receb sene 91 ve fî 30 Ağustos sene 89
( Sekostro mâddesinin nizâm-ı müttehazesi sûretidir )

Birinci mâdde: Bir mâlın sekostrosu ya'nî zabt ve tevkîf olunması husûsu
resmen olan bir istid'â üzerine Mahkeme-i Ticâret'in re'y ve karârı ile icrâ olunması
ve böyle olmayıp da âhar gûne icrâ olunduğu sûretde bi'l-âhire zarar ve ziyân
terettüb eder ise gerek sekostro etmiş ve gerek etdirmiş olan şahs
ve me'mûra 'âid olması

İkinci mâdde: İstid'âda sekostro olunacak mâl ve eşyâ ve zimem ve sâir
her ne ise nev' ve cinsinin muhtasarca beyân ve iş'âr olunması

Üçüncü mâdde: Sekostronun icrâsına eyyâm-ı ta'tîl ve mübârekede dahi
ruhsat verilmesi

Dördüncü mâdde: Sekostronun icrâsından sekiz gün zarfında sekostro
olunan eşyânın sâhibine veyâhud sâhibi olduğu iddi'âsında bulunan
şahsa yolunda ve bi-hakk olup olmadığını bi'l-muhâkeme isbât içün resmen haber
vererek müsted'înin istid'âya mecbûr olması

Beşinci mâdde: Kezâlik istid'â-yı mezkûrun târîhinden sekiz gün zarfında
sekostroyu etdiren şahsın sa'y ve gayretiyle mâl yedinde bulunan şahs
tarafına dahi teblîğ olunması

Altıncı mâdde: Sekostronun yolunda olup olmadığının isbâtı zımnında istid'â
olunmadığı hâlde hîç sekostro olunmamış gibi ve mezkûr istid'â mâl yedinde
bulunan şahsa teblîğ olunmadığı sûretde oluncaya değin tarafından şâyed
verilmemiş olan mâl yolunda verilmiş misillü 'add olunması

Yedinci mâdde: İstid'â-yı mezbûr üzerine tarafeynin ya'nî eşyâyı sekostro
etdiren şahs ile eşyânın sâhibi olan ve yâ sâhibi olduğu iddi'âsında
bulunan kimesnenin birisi ve yâhud ikisi de teba'a-i Devlet-i 'Aliyye'den ise
Mahkeme-i Ticâret'de ve ikisi dahi düvel-i ecnebiyye teba'asından bulunur ise tâbi'
oldukları Konsolaryalarında bi'l-muhâkeme sekostronun tasdîkine ve yâhud 'adem-i
( tasdîkine )