Büyük Dil Modeli Tarafından Üretilen Metin
223
( Esham-ı umumiye defter-i kebirine yirmi iki milyon ikiyüz elli iki bin )
( dörtyüz Mecidiye altınlık eshamın kayd ve tesciliyle suret-i )
( sarf ve istimaline dair nizamnamedir )
Birinci madde Esham-ı umumiye defter-i kebirine yirmi iki milyon ikiyüz elli iki bin dörtyüz Mecidiye altınlık tahvilat kayd olunacak ve bu tahvilatın suret-i teşkil ve kayd ve tescili bin ikiyüz seksen bir senesi Zilkade-i şerifesinin ikinci gününde vaki şehr-i Martın on yedisi tarihiyle müverrah olup esham-ı umumiye defter-i kebirini te'sis eden nizamnamede muharrer ahkâma tevfikan icra kılınacaktır.
İkinci madde Marü'l-beyan tahvilatın kaydı 1873 sene-i miladiyesi şehr-i Temmuzunun rumi birinci ve alafranga on üçüncü gününden itibaren icra olunacak ve her altı ayda te'diyesi lazım gelen faizin birinci taksiti 1874 sene-i miladiyesi şehr-i Kanun-ı Sanisinin rumi birinci ve alafranga on üçüncü günü te'diye edilecektir.
Üçüncü madde İşbu nizamnamenin birinci maddesi mantukunca esham-ı umumiye defter-i kebirine kayd ve tescili mukarrer olan yirmi iki milyon ikiyüz elli iki bin dörtyüz Mecidiye altınlık esham geçen 1872 sene-i miladiyesinde aksam-ı selâse üzerine tanzim ve ihrac olunup suver ve şerait-i mukarreresine tevfikan esham-ı umumiyeye tebdili hamillerinin ihtiyarına muhavvel olan hazine bonolarının mübadele tarikiyle te'diye-i re'sü'l-malına mahsus olacaktır.
Dördüncü madde İşbu nizamnamenin icra-yı ahkâmına Maliye Nezareti me'mur olup 1281 senesi Zilkade-i şerifesinin ikinci gününde vaki şehr-i Martın on yedisi tarihiyle müverrah olan nizamnamenin ikinci maddesi mantukunca ilanına ibtidar olunacaktır.
Beşinci madde İşbu nizamnamenin ahkâmı tarih-i ilanından itibaren mer'iyyü'l-icra olacaktır.
İşbu nizamname bin ikiyüz doksan senesi Receb-i şerifinin on ikinci gününde vaki seksen dokuz senesi şehr-i Ağustos-ı ruminin yirmi üçüncü günü ilan olunmuştur.
( Esham-ı umumiye defter-i kebirine yirmi iki milyon ikiyüz elli iki bin )
( dörtyüz Mecidiye altınlık eshamın kayd ve tesciliyle suret-i )
( sarf ve istimaline dair nizamnamedir )
Birinci madde Esham-ı umumiye defter-i kebirine yirmi iki milyon ikiyüz elli iki bin dörtyüz Mecidiye altınlık tahvilat kayd olunacak ve bu tahvilatın suret-i teşkil ve kayd ve tescili bin ikiyüz seksen bir senesi Zilkade-i şerifesinin ikinci gününde vaki şehr-i Martın on yedisi tarihiyle müverrah olup esham-ı umumiye defter-i kebirini te'sis eden nizamnamede muharrer ahkâma tevfikan icra kılınacaktır.
İkinci madde Marü'l-beyan tahvilatın kaydı 1873 sene-i miladiyesi şehr-i Temmuzunun rumi birinci ve alafranga on üçüncü gününden itibaren icra olunacak ve her altı ayda te'diyesi lazım gelen faizin birinci taksiti 1874 sene-i miladiyesi şehr-i Kanun-ı Sanisinin rumi birinci ve alafranga on üçüncü günü te'diye edilecektir.
Üçüncü madde İşbu nizamnamenin birinci maddesi mantukunca esham-ı umumiye defter-i kebirine kayd ve tescili mukarrer olan yirmi iki milyon ikiyüz elli iki bin dörtyüz Mecidiye altınlık esham geçen 1872 sene-i miladiyesinde aksam-ı selâse üzerine tanzim ve ihrac olunup suver ve şerait-i mukarreresine tevfikan esham-ı umumiyeye tebdili hamillerinin ihtiyarına muhavvel olan hazine bonolarının mübadele tarikiyle te'diye-i re'sü'l-malına mahsus olacaktır.
Dördüncü madde İşbu nizamnamenin icra-yı ahkâmına Maliye Nezareti me'mur olup 1281 senesi Zilkade-i şerifesinin ikinci gününde vaki şehr-i Martın on yedisi tarihiyle müverrah olan nizamnamenin ikinci maddesi mantukunca ilanına ibtidar olunacaktır.
Beşinci madde İşbu nizamnamenin ahkâmı tarih-i ilanından itibaren mer'iyyü'l-icra olacaktır.
İşbu nizamname bin ikiyüz doksan senesi Receb-i şerifinin on ikinci gününde vaki seksen dokuz senesi şehr-i Ağustos-ı ruminin yirmi üçüncü günü ilan olunmuştur.