238

Vel-hâsıl husûsuna bi'l-istîzân irâde-i seniyye-i cenâb-ı pâdişâhî müteallik buyurularak bu bâbda şerefvârid olan buyuruldu-yı âlî mûcibince vâridât-ı umûmiye muhâsebesince muâmele-i muktaziye icrâ ve keyfiyet ta’mîmen iş’âr ve inbâ kılınmış olmağla oraca dahi îfây-ı muktazâsı husûsuna himmet buyurmaları siyâkında. Fî 5 Zilhicce sene 92

( Zâyi’ olan eshâm-ı cedîde berâtları hakkında hazînece olunacak )
( muâmele ve ihbâriye dâir karâr-ı resmî )

Eshâm-ı cedîde ashâbından ba’zıları berâtlarını zâyi’ ederek yeniden berât i’tâsı istid’âsında olub eshâm-ı cedîde berâtı yanarsa veyâhûd zâyi’ olsa sâhibinin beyân-ı hâl ederek yeniden berât alacağını i’lânnâme-i mahsûsunun sekizinci mâddesinde münderic ve musarrah bulunduğu gibi eshâm-ı mezkûre berâtlarının hâvî olduğu on senelik kuponlardan her birinin vakitleri hulûlünde sâhibleri tarafından mühürlenerek hazîne-i celîleye veyâhûd vilâyât mâl sandıklarına i’tâsiyle taksîdleri ahz ve istihsâl edileceğinden ve hazîne-i celîleden verilen fâizler ol emrde kaydiyle bi’t-tatbîk ba’de’l-i’tâ kılınmasından dolayı o makûle zâyi’ olan berâtların yed-i âhara veyâhûd sâhibinin eline geçerek kuponlarının mükerreren ibrâzında keyfiyetin biraca def’aten zâhire çıkarılacağı derkâr ise de bunların mâl sandıklarında kaydları olmamak hasebiyle taşralarca temyîzi nâ-kabil ve fâilinin ba’demâ ele geçirilmesi dahi emr-i müşkil olacağından eshâm-ı mezkûre ashâbından berâtlarını gayb edenler taraflarından istid’â vukû’ı ânında evvel be-evvel berâtın keyfiyet-i ziyâı kaydı bâlâsına işâretle berâber ücreti mutasarrıfı tarafından verilmek üzere zâyi’ olan berâtın numarası ile fâiz-i senevîsinin mikdârı ve sâhibinin ismi elsine-i mütenevviada neşr olunan İstanbul gazeteleriyle üçer def’a i’lân ve işâ’a olunduktan ve keyfiyet muharrerât-ı umûmiye ile vilâyâta iş’âr olunub vilâyet gazeteleriyle dahi kezâlik üçer def’a i’lân edildikten sonra târîh-i istid’âdan i’tibâren nihâyet bir sene mürûruna kadar tevakkufla
( bu müddet )