25

Cereyan ve muhafaza-i sene bâkî ve idare-i umumiye-i mülkiyeyi menafi-i devlet ve memlekete
muvafık vechle icra etmektir.

Fasl-ı Sani

( Vezaif-i ıslahiyeye dairdir )

Altıncı Madde: Vazife-i ıslahiyenin enva ve derecatı ber-vech-i âtî beyan olunur.
Birincisi: Mehakim ve mecalisin teşkilat ve intihabat-ı cedidesidir.
İkincisi: Zaptiyelik ve tahsildarlık ve mehakim ve mecalis muhzır ve hademeliği
ile gardiyanlık sınıflarının intihabları maddesidir.
Üçüncüsü: Hapishanelerin tanzim-i ahval ve idaresidir.
Dördüncüsü: Tasarruf-ı emlak senedatının tanzim ve itası usulünün ıslahıyla
arazi intikalatında hukuk-ı kanuniyeye riayet kılınmasıdır.
Beşincisi: Bedelat-ı askeriye mürettebatının tashih ve temin-i nisbet-i tahsiliyesidir.
Altıncısı: Ahalinin yollarca ve sair işlerce usul-i istihdamlarının
ma'delet-i sahihaya tevfik olunmasıdır.
Yedincisi: Ziraat ve felahatin teksiriyle buna müteallik olan menafi sandıkları
sermayelerinin hüsn-i istimal ve ıslah-ı muhasebatına bakılmasıdır.
Sekizincisi: Vergi ve rüsumat-ı dahiliyenin esas ve teferruatının tanzim
ve temin edilmesidir.
Yedinci Madde: Vezaif-i ıslahiyeden teşkil-i mehakim ve mecalis maddesinin en
mühim ciheti azanın intihabı içün sunûf-ı teb'aya ihsan buyurulan
ruhsat-ı seniye icabınca umumun haiz olduğu salahiyet ve me'zuniyete hiç
bir vechle müdahale olunmamasıdır. Şöyle ki valiler evvela gerek köylerden
toplanacak intihabçıların ve gerek onların azalık içün intihaba koyacakları
adamların memleketlerince ne bir hükümet memurunun ve ne de rüesa-yı ahaliden birinin
nüfuzu altında intihab ettirilmemesine itina edeceklerdir.
Sâniyen: İntihabçılar taraflarından kabul olunmuş bir adamın ağraz-ı şahsiyeden dolayı

3