Model çevirisi
285
(Orman nizamnamesinin beşinci maddesi hükmünce ahali-i kuraya)
(Mecânen verilmesi lazımgelen kereste ve hatab ve kömürün)
(Suret-i itası hakkında talimat)
Fasl-ı Evvel
Birinci Madde: Baltalığı olmayan karyeler ihtiyar meclisleri her sene Mart’tan evvel karye ahalisinin ihtiyacat-ı zaruriyeleriçün mirî ormanlarından mecânen talep edecekleri kereste ve hatab ve kömürün miktar ve kemiyetini matbu ilmühaberde olan cedvele bittahrir zirindeki istidanameyi temhir eyledikten sonra tabi oldukları kaza orman memuruna ita edeceklerdir.
İkinci Madde: Orman memuru ol emirde istida-yı mezkûrun sahihan ihtiyar meclisi tarafından temhir edilmiş olduğunu ve matlub olan hatab ve kömür ve kerestenin miktarı ahalinin ihtiyacat-ı hakikiyelerinden fazla olmadığını bade’t-tahkik zikr olunan istidanamenin zeylindeki şerhi temhir eyleyecektir.
Üçüncü Madde: Ber-minval-i muharrer tahkikat-ı lazıme bil-icra usul ve kaide-i mevzua ve fenniyeye ve ormanların muhafazası hakkında olan kuyud ve şuruta tevfikan ahali-i kuranın kat’ edeceği kerestelik eşcar orman memuru tarafından darb-ı damga edildikten ve orman kesilecek mevaki ile kömür hark olunacak mahaller irae olunduktan sonra piyade korucunun taht-ı nezaretinde olarak kat’ ve nakline ruhsat verilecektir.
Dördüncü Madde: Orman memuru tarafından kat’-ı eşcara ruhsat verilmedikçe ahali-i kura ameliyata mübaşeret edemeyeceği gibi tayin olunacak müddet zarfında eşcarın kat’ ve nakline mecbur olup işbu müddetin ise mehma-emken ahali-i kuranın müsait vakitlerine tesadüf ettirilmesi hususuna itina ve dikkat olunacaktır.
Beşinci Madde: Kat’-ı eşcara dair vaki olacak her türlü icraat ve muamelatdan karyenin ihtiyar meclisi tarafından tayin ve istidaname-de isimleri tasrih olunacak vekiller mesul tutulup karyeye mahsus olan eşcarın kat’ ve teslim olunduğunu mübeyyin istidanamenin zirinde muharrer makbuz senedi vekiller tarafından temhir olunacaktır.
(Orman nizamnamesinin beşinci maddesi hükmünce ahali-i kuraya)
(Mecânen verilmesi lazımgelen kereste ve hatab ve kömürün)
(Suret-i itası hakkında talimat)
Fasl-ı Evvel
Birinci Madde: Baltalığı olmayan karyeler ihtiyar meclisleri her sene Mart’tan evvel karye ahalisinin ihtiyacat-ı zaruriyeleriçün mirî ormanlarından mecânen talep edecekleri kereste ve hatab ve kömürün miktar ve kemiyetini matbu ilmühaberde olan cedvele bittahrir zirindeki istidanameyi temhir eyledikten sonra tabi oldukları kaza orman memuruna ita edeceklerdir.
İkinci Madde: Orman memuru ol emirde istida-yı mezkûrun sahihan ihtiyar meclisi tarafından temhir edilmiş olduğunu ve matlub olan hatab ve kömür ve kerestenin miktarı ahalinin ihtiyacat-ı hakikiyelerinden fazla olmadığını bade’t-tahkik zikr olunan istidanamenin zeylindeki şerhi temhir eyleyecektir.
Üçüncü Madde: Ber-minval-i muharrer tahkikat-ı lazıme bil-icra usul ve kaide-i mevzua ve fenniyeye ve ormanların muhafazası hakkında olan kuyud ve şuruta tevfikan ahali-i kuranın kat’ edeceği kerestelik eşcar orman memuru tarafından darb-ı damga edildikten ve orman kesilecek mevaki ile kömür hark olunacak mahaller irae olunduktan sonra piyade korucunun taht-ı nezaretinde olarak kat’ ve nakline ruhsat verilecektir.
Dördüncü Madde: Orman memuru tarafından kat’-ı eşcara ruhsat verilmedikçe ahali-i kura ameliyata mübaşeret edemeyeceği gibi tayin olunacak müddet zarfında eşcarın kat’ ve nakline mecbur olup işbu müddetin ise mehma-emken ahali-i kuranın müsait vakitlerine tesadüf ettirilmesi hususuna itina ve dikkat olunacaktır.
Beşinci Madde: Kat’-ı eşcara dair vaki olacak her türlü icraat ve muamelatdan karyenin ihtiyar meclisi tarafından tayin ve istidaname-de isimleri tasrih olunacak vekiller mesul tutulup karyeye mahsus olan eşcarın kat’ ve teslim olunduğunu mübeyyin istidanamenin zirinde muharrer makbuz senedi vekiller tarafından temhir olunacaktır.