290

Muhasebecisi veya mal müdürü tarafından temhir ile koculara teslim olunacağı ve muhasebenin rü'yeti bi-aynihi varaka-i sahiha gibi muhasebe kalemine aid olacağı gibi sarfiyatın teftiş ve tahkiki dahi orman müfettişlerinin vazifelerinden bulunacak ve hasılat-ı vakıa mâh-be-mâh mal sandıklarına teslim kılınacakdır.

Onuncu Madde
Rusumat-ı merkume orman ve kereste me'muru olan mahallerde onlar vasıtasıyla istifa edileceği ve orman ve kereste me'muru bulunmayan mahallerde müstakil kolcu istihdamından ise gümrük mubassırları ve emniyet ve i'timadı caiz olabilen kefilli rusumat-ı adiye-i müteferrika kocuları ma'rifetleriyle dahi tahsil olunmak caiz olacakdır.

On Birinci Madde
Orman ve kereste me'muru bulunmayan yerlerde ücret-i maktua ve hasılatı gayet az olan mahallerde dahi ondalık i'tasıyla me'mur istihdamı lazım geleceğin ve'l-hasıl masarifatı hasılatın uşru nisbetini geçirmemeğe ihtimam olunacakdır ve istihdam olunacak me'mur ücret ve ondalıkları meclis-i memleket ma'rifetiyle tahdid olunarak mikdarı ba-mazbata livaya ve oradan dahi merkez-i vilayete bildirilecek ve bunların ücretleri ba-sened hasılatından tesviye edilecektir.

On İkinci Madde
Orman müfettiş ve me'muru bulunan mahallerde gerek odun ve kömürün mikdar-ı hamulesini ta'yin ile rusumatını takdir ve gerek bu babda istihdam olunacak me'murlar ücretlerini tahdid vaktinde müfettiş veya me'mur-ı muma-ileyhin meclis-i memleketde hazır bulunarak yapılacak mazbatada mühür ve imzası bulunmak lazım gelecekdir.

On Üçüncü Madde
İşbu ta'limatın haricinde bir müşkilata tesadüf olunduğu halde iktizası derhal Maliye Nezaret-i Celilesinden istizah olunmak lazım gelecekdir.

Fi 15 Rebi'ü'l-evvel sene 291 ve fi 20 Nisan sene 290
(Ali)