295

Ahz ve istifa kılınacak iki kat resmin humsu muhbirine verilecektir.

On Üçüncü Madde: Mevadd-ı sabıkada beyan olunduğu üzere zahrine battal çekilerek ahz ve hıfz olunacak tezakir her üç ayda bir kere hükümet ve zabıta tarafından merkez-i vilayete ve rüsumat memurları canibinden mensub oldukları rüsumat nezaretlerine ve orman memurları taraflarından orman müfettişlerine irsal kılınacaktır.

On Dördüncü Madde: Vilayet sermüfettişi maiyetinde bulunan müfettiş ve memurdan sarfiyatı tekmil olmuş koçanlar ile toplanmış battal tezakiri celb edip bir kıt’a varidat defteriyle beraber her sene Mart’tan evvel canib-i idare-i umumiyeye gönderecektir.

On Beşinci Madde: Merkez-i vilayet ile rüsumat nezaretlerinde teraküm eden battal tezkireler dahi kezalik her sene Mart’tan evvel canib-i hazine-i celileye irsal kılınacaktır.

On Altıncı Madde: Mahkuk tezakir kabul olunmayacağından tezkirelerin hin-i tahrirlerinde sehv-i kalem olan mahal çizilerek doğrusu alt tarafına yazılacaktır.

( Orman hak tarifesi zahr-ı sahifede muharrerdir )