332

Acenteler tarafından tanzim olunan sâlifü’z-zikr konşimento ve manifesto ve liste
ve ordinoların sâhib ve hâmillerine yalnız resm-i nizâmîsine muâdil pul
yapışdırılarak idâre mührüyle bi’t-temhîr ibtâl olunması ve ihmâl-i mezkûrenin
inkızâsından sonra yapılmış ve imzâlanmış evrâk-ı muharrere-i nizâmî vechile pul
yapışdırılmamış olarak ibrâz olundığı hâlde cezây-ı nakdîsi dahi istîfâ
olunmadıkça bir gûne muâmele icrâ olunmaması lâzım gelecektir
İşbu tafsîlâtdan ve evvel ve âhir icrâ kılınan vesâyâ ve ihtârâtdan müstebân
olacağı ve fî 20 Zilhicce sene 91 târîhli tahrîrât-ı umûmiyemizle
bildirildiği üzere nizâmnâme-i mezkûrun tamâmî-i ahkâmı büyük ve küçük bi’l-cümle
me’mûrîn-i rüsûmiyenin vazâifinden ve aksi takdîrde mes’ûliyet-i şedîde tahtında
kalınacağı umûr-ı vâzıhadan olmasıyla hilâf-ı nizâm ve iş’âr muâmele vukû‘a
gelmemesi esbâbının istihsâline i’tinâ ve dikkat ve her tarafda lüzûmı mikdâr
evrâk-ı mütenevvi‘a ve pullar bulundurularak resmsiz evrâk-ı ‘âdiye isti‘mâline
ve bir gûne sızıldı ve şikâyete sebebiyet verilmemesi ve sâilin istikmâline nasb-ı
nefs-i ihtimâm ve gayret olunması husûsunun ta‘mîmen teblîği lüzûmı damga idâresinden
olunan ihtâr üzerine bi’l-havâle meclis-i rüsûmâtdan ifâde kılınmış ve ol-vechle
keyfiyet bi’l-cümle rüsûmât nezâretlerine beyân ve iş’âr ve mülhakâtınızın adedine nisbetle
işbu tahrîrât-ı muhibbiyenin . kıt‘a nüsha-i matbû‘ası dahi leffen taraf-ı vâlâlarına
tesyar olunmuş olmağla birer mûcible mülhakâtınıza bi’l-isrâ vech-i meşrûh üzere
icrây-ı muâmeleye himmet ve i’tinâ buyurmaları siyâkında
Fî 22 Muharrem sene 291

(İşbu)