350

Râbian fabrikanın kayd defterini yoklayub lüzûm gördükçe me’hûzât ve medfûâtını muvâzene ve tedkîk ile mevcûdunu muâyene ve tatbîk etmek

Khâmisen fabrikanın evsâfıyla muâmelâtı şerâitine zerre kadar halel getirilememesine ve tamgasız âlât ve edevât isti’mâl edilememesine ve muayyen olan kapusundan mâadâ medhal ve mahrec peydâ edilememesine dâimâ nezâret ve teftîş ile şâyed bir uygunsuzluk görüb his etdiği anda idâreye haber vermek

Sâdisen fabrikacının idâreden bi’l-mübâyaa fabrikaya getireceği bandrollerin fabrikaya vürûduyla berâber üzerlerine fabrikacının tamgasını vaz’ etdirmek husûslarıdır

Elli dokuzuncu mâdde her fabrikacı i’mâl eylediği tütün ve çigâr ve çigâret ve enfiye ve ağız tütünü pâket ve kabları üzerlerine yapışdırılacak bandrollerden başka olarak kendi nâm ve şöhretini ve fabrikasının semt ve numrosunu mübeyyin muvazzah ve matbû’ yaftalar ya’nî etiketler vaz’ etmeğe mecbûrdur

Altmışıncı mâdde kendi isti’mâliçün tüccârdan tütün iştirâsıyla bir fabrikada kıydırub almak isteyenlere ber-vech-i âtî şerâitle müsâade olunur

Bunlar tütünü iştirâ etmezden evvel mahallî rüsûmât idâresine mürâcaatla verilecek me’zûniyet üzerine tüccârdan iştira edeceği tütünü on dokuzuncu mâdde mûcibince ruhsatiye tezkeresiyle berâber fabrikaya götürüb orada tezkereyle tatbîk olundukdan ve fabrikanın defterine kayd etdirildikden sonra fabrikaya idhâliyle irice kıyılmasına ve ba’dehû usûlü vechile pâket ve kablara vaz’ ile tütünün nev’ine bakılmayarak üzerlerine birinci nev’ tütüne mahsûs bandroller yapışdırılub fabrikanın defterine kayd edilerek fabrikadan ihrâcına ruhsat verilir

Altmış birinci mâdde hîle ve şübheden ârî olarak bandrolleri yapışdırılmış pâket ve kutulara mevzû’ olan tütünlerle çigârların mikdârı iki kıyyeden ve çigâretlerin adedi iki binden ziyâde olmadıkça serbestce ve bilâ-tezkere

( Dâhil )