398

Ve tasdîknâmeleri altı hafta zarfında ve mümkün ise daha evvelce ta'âtî olunacak ve alafranga fî 13 Mart sene 1872 târîhinden i'tibâren tasdîknâmelerin mübâdelesi mer'iyyü'l-icrâ tutulacaktır.

Fî 5 Zilkade sene 1288 ve fî 4 Kânûn-ı sânî sene 287

( On beş seneye kadar Avrupa'dan celb olunacak makine ve fabrika )
( âlâtının ilk def'ada rüsûm-ı gümrükden mu'âfiyetine dâir i'lân )

Buhar ve sâir vesâit ile tahrîk olunur makineler ile müteferri'âtından olarak on beş sene zarfında ashâbı tarafından yapılacak fabrikaların birinci def'a te'sîsine mahsûs olmak üzere hâricden celb edilecek makine ve âlât ve edevât-ı sâirenin evvel-emirde birer kıt'a defteri yapılarak Nâfı'a Nezâret-i Celîlesince tedkîk ve Bâb-ı Âlî'den tasdîk olundukdan sonra gümrük resminden mu'âfiyetinin usûl ittihâzı husûsuna Şûrâ-yı Devlet ve Encümen-i Mahsûs meşveret karâriyle bi'l-isti'zân İrâde-i Seniyye-i Cenâb-ı Pâdişâhî müte'allik buyurulup îcâbı icrâ kılınmış olmağla i'lân-ı keyfiyete ibtidâr kılındı.

Fî 23 Receb sene 290

( Mecelle )