424

Müeccel olmak üzere sana bey' eylediğim falan şey semeninden sende şu kadar guruş
alacağım vardır deyu da'va eylese istima' olunur
Zira hulûl-i ecelden i'tibaren ancak on iki sene geçmiş olur
Kezalik batnen ba'de batnin evlada meşrut vakıfda dair batn-ı sanide bulunan evladın
da'valarında mürur-ı zaman ancak batn-ı evvelin inkırazı tarihinden mu'teberdir zira
batn-ı evvel mevcud iken batn-ı saninin da'vaya salahiyeti yoktur
Ve kezalik mehr-i müeccel da'vasında mürur-ı zamanın mebdei vakt-i talakdan yahud ehad-ı
zevceynin vefatı tarihinden i'tibar olunur
Zira mehr-i müeccel ya talak yahud vefat ile muaccel olur
1668 Madde Müflis olan kimseden alacak da'vasında mürur-ı zaman ancak
iflasının zevali tarihinden mu'teberdir
Mesela on beş seneden berü mütemadiyen müflis olub henüz kesb-i yesar eylediği
muhakkak olan bir kimseden diğer kimse on beş sene mukaddem zimmetinde falan
cihetden şu kadar guruş alacağım var idi ol tarihden berü müflis olduğun
cihetle da'va edemedim şimdi eda-yı düyuna iktidarın olmağla da'va ederim dese
istima' olunur
1669 Madde Bir kimse bir da'vayı ber-vech-i bala bila-özr terk ederek mürur
zaman bulunsa ol da'va hayatında kendisinden istima' olunmadığı gibi vefatında
varisinden dahi istima' olunmaz
1670 Madde Bir da'vayı bir müddet muris ve bir müddet varis terk edüb de iki
müddetin mecmu'u mürur-ı zaman haddine baliğ olursa artık istima' olunmaz
1671 Madde Bayi' ile müşteri ve vahib ile mevhubun leh muris ile varis
gibidir
Mesela bir kimse bir arseye on beş sene mutasarrıf olub ol arsanın
ittisalinde hanesi olan kimse bu müddetde sükut etdikden sonra ol haneyi
ahere bey' etdikde müşteri ol arsa işbu iştira etdiğim hanenin tarik
hasıdır deyu da'va eylese mesmu' olmaz
Kezalik bir müddet bayi' ve bir müddet müşteri sükut edüb de iki müddetin mecmu'u
mürur-ı zaman haddine baliğ olsa müşterinin da'vası istima' olunmaz
(1672)