432

Kitabları tab‘ı içün imtiyaz istid‘a idenlerüñ basacakları kitablaruñ sahifeleri
yigirmi satırdan ve tasvirleri dahi elli levhadan aşağı olmamak üzre
hey’et-i mecmu‘ası nihayet ikiyüz sahifeyi havi olacakdır.
Dördüncü madde — Bu misillü kitablaruñ tab‘ı içün nâil-i imtiyaz olanlaruñ taleb
ve ihtiyarına göre tab‘ idecekleri kitabın müte‘addid cüz’ ve cildlere taksimi mecaz
olacakdır.
Beşinci madde — Sahib-i imtiyazın sebebiyet ve kusurile imtiyazı virilen kitabın
nihayet bir buçuk sene zarfında tab‘ı ikmal olunmadığı halde imtiyazı fesh
idilecek ve muahharan diger talibi zuhur ider ise yeñiden aña imtiyaz
virilecek ve te’ahhur-i tab‘a matba‘a sahibi tarafından sebebiyet virilmiş ise
sahib-i imtiyazın matba‘a sahibinden zarar ve ziyan iddi‘asına salahiyeti olacakdır.
Altıncı madde — İşbu zeyl hükmünce kitab tab‘ı imtiyazını hâiz olanlar müddet-i
imtiyaziyeleri zarfında vefat eyledikleri halde bu babda olan kâffe-i hukukları
vereselerine intikal eyleyecekdir.

Fi 20 Safer sene 1292

( Dersaadet ve Bilad-ı Selasede bulunan mekatib-i sıbyaniyenin idaresi içün )
( Ahaliçe intihab olunacak a‘zadan mürekkeb olmak üzre teşkil )
( Olunacak mecalis-i tedrisiye ve şu‘belerinüñ suret-i teşkilile )
( Vazifeleri hakkında talimatdır )

Birinci madde — Dersaadet ve Bilad-ı Selasede bulunub elyevm merkez mekteblerine
merbut olan mekatib-i sıbyaniye ma‘arif nezaret-i celilesiniñ taht-ı nezaretinde
bulunmak üzre devair-i müte‘addideye ve devair dahi müte‘addid şu‘belere taksim olunarak
her daire içün bir meclis-i tedris ve şu‘beler içün dahi meclis-i tedrisiñ
taht-ı nezaretinde bulunmak üzre bir meclis-i tedris şu‘besi teşkil olunacakdır.
( İkinci )