438

Ve medfuatı mübeyyin bir kıt'a hülasa cetveli tanzim ile bi'l-muayene tasdik olunmak üzere meclis-i tedrise ita etmekle şubeler ve işbu defterleri şubelere tanzim ettirip almağa mecalis-i tedrisiye mecbur olacaklardır.

Otuzuncu Madde
Her şube sıbyan mekteplerinin varidat-ı vakfiyelerini vakit ve zamanıyla toplamak ve efkar olanlar müstesna tutularak gerek çocukların peder ve velilerinden ve gerek teşvikat ve tergibat-ı lazıme icrasıyla mahalle dahilinde sakin erbab-ı servet ve hamiyetten maaş ve akçe tahsil etmek ve muallimler ile hademeleri tavzif ve mekteplerin masarifat-ı sairesini tesviye ve'l-hasıl mekatib-i mezkurenin idare-i maliyesinin mihver-i matlupta cereyanıyla nezafet ve intizamlarına dikkat etmek vezaifiyle mükelleftir.

Otuz Birinci Madde
Şubeye ait varidatı şube heyeti umur-ı zatiyeleri içün sarf ve istimalden kat'iyen memnu olduklarından hilafında hareket edenler hakkında emniyeti suiistimal edenler içün mevzu olan muamele-i cezaiye ile mücazat olunmak üzere şubenin merbut olduğu meclis-i tedris canibinden Maarif Nezaret-i Celilesine ihbar-ı keyfiyet olunacaktır.

Otuz İkinci Madde
Talim-i etfale muktedir olmayan ve usul-i talimiyeyi ve şube tarafından vukubulan tebligatı yolunda icra etmeyen ve devamda kusur eden muallimler şube canibinden heman azl ve ihraç ile yerlerine şubece intihab olunan muallimlerin tayini hususu merbut olduğu meclis-i tedrise bildirilecektir.

Otuz Üçüncü Madde
Şubeler taht-ı idarelerinde bulunan mekatib-i sıbyaniyede usul-i tedrisiyeyi ıslah ve tevsi edebilecektir.

Otuz Dördüncü Madde
Mektebin idaresine karşılık ittihaz olunan mebaliğin vakit ve zamanıyla tahsilinde ve muallim ve hademelerin nasb ve azlinde ve'l-hasıl mektebe ait her nevi hususatta şubeler müşkilata tesadüf eylediği halde mecalis-i tedrisiyeye müracaat eyleyeceklerdir.

Fi 7 Rebiülevvel sene 292 ve fi 1 Nisan sene 291

( Deavi )