457

(Arazi Kanunname-i Hümayunu’nun kırk birinci maddesine zeyl)
(olunan fıkra-i nizamiyedir) [1]

Ve bu beş sene zarfında halît ve şerîk fevt olsa hakk-ı intikale nâil olan veresesinin mefrugun lehden ve mefrugun leh fevt olsa hakk-ı intikale nâil olan veresesinden halît ve şerîkin halît şerîk ile mefrugun leh ikisi birden fevt olsa halît ve şerîkin hakk-ı intikale nâil olan veresesinin mefrugun lehin hakk-ı intikale nâil olan veresesinden ol araziyi vech-i meşruh üzere almağa hak ve salahiyetleri vardır.

Fî 19 Şaban sene 291 ve fî 18 Eylül sene 290

(Kanunname-i mezkûrun yüz sekizinci maddesine)
(zeyl olunan fıkradır) [2]

Muayyen katil olanlara maktulün arazisi intikal etmez ve keza maktulün arazisinde muayyen katilin hakk-ı tapusu olamaz.

Fî 28 Rebiülahir sene 1292 ve fî 22 Mayıs sene 1291

(Kanunname-i mezkûra tezyîl olunan fıkra-i nizamiyedir) [3]

Bir karye ahalisine tahsis kılınmış olan baltalığa hakk-ı ihtitabı olmayan diger karye ahalisi tarafından tecavüzle ihtitab edildiği tahakkuk eder ise kat’ vuku bulan eşcarın kaime kıymeti bi-gayr-i hakk tecavüz ve ihtitab edenlerden tahsil ile hakk-ı ihtitaba malik olan karye ahalisinin umumuna taksim olunacaktır.

Fî 10 Rebiülevvel sene 293 ve fî 3 Mart sene 292

[1] Mezkûr madde birinci cildin 174 cü sahifesinde mündericdir.
[2] Mezkûr madde birinci cildin 193 cü sahifesinde mündericdir.
[3] Mezkûr kanunname birinci cildin 165 ci sahifesinde mündericdir.

30