475

İkinci Kısım

( Meclis-i mezkûrun sanayiye dair vezaifini mevad-ı âtiyeyi şamildir )

١ Mevcud olan imalat-ı sınaiye mekteblerinin idaresi ve icab eden mahallerde yeniden te'sisi ve vilayatlarda mevcud olan ıslahhanelerin idaresi

٢ Emtia ve akmişenin kaide-i imali ile sair her nevi imalat-ı sınaiye nazariyatının ve makinelerle sair âlat ve edevat inşasının ve'l-hasıl ilm-i hendese-i sınaiyenin talimi zımnında Dersaadet'de bir mekteb inşası

٣ Sanayi-i dahiliyenin esbab-ı teşvikiyesinin mütalaası

٤ Sanayi-i fenniye ve ameliyeye mahsus sergiler te'sisi

٥ Ticaret ve sanayi bankaları teşkilatının derece-i ibtidaiyede tetkik ve tayini

٦ Sanayi amelesine mahsus idhar sandıklarının teşkil-i idaresi

٧ Sanayi fabrika ve makineleriyle sair edevat icad veyahut ıslah veyahut memalik-i saireden Memalik-i Mahruse'ye idhal edenlere sair memleketlerde cari olduğu gibi ruhsat-ı imtiyaziye itası içün lazım gelen nizamatın tertibi

٨ Hiref ve sanayi içün istatistik usulü ittihazı

٩ Lazım gelen mahallerde erbab-ı hiref ve sanayiden müntehab ve fahri azadan mürekkeb birer cemiyet-i meşavere teşkil olunması

١٠ İdare-i sıhhiyenin nizamat-ı mahsusasına halel gelmemek üzere yalnız ticaret ve ziraat ve sanayiye müteallik te'sisat ile bunların efrad ve amelesine ve müteferriatına şamil olabilecek tedabir-i sıhhiyenin mütalaası

١١ Miyah-ı madeniyeye dair te'sisatın usul-i idare ve zabıtası

١٢ Evzan ve mekayisin idaresiyle memurlarının tayini ve usul-i aşariye nizamatının mevki-i icraya vaz'ı takarrür ettikten sonra anın dahi suret-i cereyanının teftişi

١٣ Esnaflık usulünün ticaret ve sanayi-i dahiliyeyi tazyik etmeyecek surete ifrağı esbabının mütalaası