489

On dokuzuncu madde: Komite azasından birinin istifası veyahud vefatı
vukuunda intihab-ı ahirde en sonraki müntehabdan sonra re’y kazanmış olan
mübayaacı anın yerine kâim olur.

Yirminci madde: İcab-ı hâle göre her gün komite azasından üçer kişi
komiser ile beraber bil-münavebe içtima ederek komiser hazır olduğu halde mugayir-i
nizâm vuku bulan muâmelâtın muhâkemesine ve borsada icra-yı muâmelât edenler
beyninde zuhur eden ihtilâfâtın tesviyesine mübaşeret ederler.
Aza-yı sülse-i mumaileyhim tarafından verilecek hükümleri havi bir zabıt
yapılıp işbu mazbata hem kendileri ve hem de komiser tarafından imza olunur.

Yirmi birinci madde: Yirmi beş liradan ziyâde akçe te’diyesiyle mahkûm olanlar
komitenin içtima-ı âdisinde tekrar rü’yet olunmak üzere istînâf
edebilirler.
Hatta komite azasından üçünün talebi üzerine komitenin fevkalâde olarak
içtimaı dahi istihsâle muktedirdirler.

Dördüncü Fasıl

(Borsada alınıp satılabilecek eshâm ve tahvîlât)

Yirmi ikinci madde: Borsa komitesi yüzde beş faizli eshâm-ı umûmiye
ile Devlet-i Aliye’nin kâffe-i müstakrazâtı tahvîlâtı derhal kayd-ı resmiye kabul
edecektir.
Ba-ferman-ı âlî teessüs etmiş olan şirket-i sarrafiye ve sınaiye ve ticâriyenin
el-yevm piyaçede mütedavil olan hisse senedâtı dahi kayd-ı resmiye kabul
eyleyecektir. Bu tahvîlât ve senedât üzerine cereyan eden muâmelât Lira-yı
Osmanî ve santim hesabıyla tesviye olunacaktır.

Yirmi üçüncü madde: Saltanat-ı Seniye’nin ruhsat-ı âliyesiyle ve kavânîn-i devlet-i
aliye tahtında olarak ileride teessüs edebilecek olan şirketlerin hisse
senedâtına kanunca sermayenin rub’ mikdarı nakden vaz’ ve te’diye olunmuş olduğunu
isbât etmek şartıyla bunlardan borsaca kayd-ı resmî talebinde olanların istid’âsı
komite tarafından rehin-i hayz-ı kabul olacaktır.
Fakat ecnebi şirket ve istikrâz senedât ve tahvîlâtının borsada icra-yı

32