490

Kayd resmisi Maliye Nezaretinin ruhsatına menuttur.
Nizamâ resm-i damgaya tabi olan evrak ve tahvilat ve senedatdan damgasız olanlar Borsada tedavül ettirilmeyecekdir ve ettirildiği halde resm-i damga nizamnamesinde muayyen olan ceza icra olunacaktır.

Beşinci Fasıl
( Muamelatın suret-i cereyanı )

Yirmi dördüncü madde — Borsa’nın haricinde veyahud kapalı bulunduğu zamanda Borsada resmen mukayyed olan esham ve tahvilatın bey ve şirası hassaten memnudur.

Gerek Borsadan dışarı ve gerek Borsa’nın kapalı olduğu vakitlerde vuku bulan muamelata aid müstediyata komite tarafından havale-i sem’-i itibar olunmayacaktır.

Yirmi beşinci madde — Esham ve tahvilat bey ve şirasına dair Borsa azasından biri tarafından teklif olunup da yine azadan bir diğeri tarafından kabul olunan her bir muamele tarafeyni taht-ı teahhüde almış olan bir pazarlık hükmünde olup yekdiğerinden hoşnud olacak derecede depozito talebine hak ve salahiyet verir.

Tarafeynden kangısı depozitonun miktarından hoşnud olmaz ise komitenin kararına müracaat etmeğe hakkı olur.

Yirmi altıncı madde — Borsa azasından birinin teklif eylediği muameleyi bir kaç aza birden kabul etdikleri halde teklif eden zat en evvel kabul eden budur zan etdiği zatı irae ve tayin eder.
Eğer bu babda kendisince iştibah hasıl olur ise huzzarın şehadetlerine bil-müracaa anların kararına ittiba eyler.

Yirmi yedinci madde — Borsada vuku bulan her bir muamelenin der-akab anı akd eden azanın odalarına tebliğ ve beyan olunması lazım gelir.
İşbu tebliğ tarafeyn marifetiyle icra olunur.
Tarafeynden biri piyaçe ile evvelce muamelatı tesviyeye hazır olur ise diğer taraf anın teklif eylediği havaleyi kabule mecburdur.

Yirmi sekizinci madde — Esham ve tahvilat havalesi tarafeynin husul-i (muvafakatiyle)