493

Vakt-i mezkûrda rapor muâmelesini icrâ itmeyenler iki sâat zarfında icrâ itmeğe
mecbûrdurlar şu şart ile ki o müddet içinde yapılan rapor yâhud deporun fîâtı
likidasyonun bidâyetinden salı güni öğle vaktine kadar kotiniñ küşâdından evvel
cârî olan fîâtdan yüksek olmaya
Bundan kat‘-ı nazar o dürlü muâmelede bulunanlar nizâma mugâyir hareketde bulunmuş
olacaklarından kendülerinden eshâm-ı umûmiyenin beher lira mikdâr-ı îtibâriyesi içün
iki para cezâ-yı nakdî ahz olunur
İşbu cezâ-yı nakdî hâsılâtı hayrât ve meberrâta sarf olunmak üzere komite
sandığına teslîm olunacakdır
Otuz yedinci mâdde — Bâlâda yirmi altıncı ve yirmi sekizinci ve otuzuncu
mâddelerin ahkâmınca likidasyonun havâlesi mecburîdir
Otuz sekizinci mâdde — Der-dest olan likidasyon içün çehârşenbe güni
öğleden iki sâat evvelinden îtibâren artık hiç bir havâle icrâ ve kabûl olunmaz
Binâenaleyh teklîfâtın matlûbâta ve matlûbâtın teklîfâta nisbetle kayden zuhûr iden
fazlası havâle eñ soñra kimin yedinde kalmış ise aña âid olur
Otuz dokuzuncu mâdde — Mukayyed bulunan tahvîlâtın teslîm ve kabûlüne çehârşenbe
günleri tahsîs olunmuşdur herkes kayd etdirdigi mikdârı teslîm veyâhud
ahza mecbûrdur
Tahvîlâtın muâyenesiyle bedelinin îfâsı akşam alafranga sâat beşde resîde-i
hitâm olmak üzere eñ nihâyet öğleye kadar ibrâzı lâzım gelür
Kırkıncı mâdde — Tahvîlât teslîmine veyâhud ahzine mecbûr bulunub da çehârşenbe
güni öğleye kadar îcâbâtını icrâ idemeyenler içün bir mehil virilüb işbu
mehil pencşenbe güni borsanıñ kıyâmından üç sâat evvel hitâm bulur
İşbu mehil mukâbilinde tarafından beher biñ İngiliz liralık eshâm-ı umûmiye tahvîlâtı
içün komite sandığına onar aded lira-i Osmânî depozito idilmesi lâzım gelür
İfâ-yı taahhüd idemeyen şahıs bu bâbda muhâlefet ider ise âtiyyü'z-zikr mâddede beyân
olundığı vechle hakkında muâmele-i icrâiyeye derhâl teşebbüs olunur
Kırk birinci mâdde — İşbu muhâlefet taahhüdâtın icrâsını taleb iden şahıs
tarafından vukûbulur ise kendüsi medyûn hakkında muâmele-i icrâiyeye teşebbüs