496

Olsa bile anın borsaya duhûlü hakkı sâkıt olur ve o halde ismi mübâyaacıların esâmîsini hâvî cedvelden hazf ve ihrâc edilir.

Elli birinci madde — Mübâyaacılardan her kim müşterilerinden biri hakkında muâmele-i icrâiyeye teşebbüs etmek mecbûriyetinde bulunur ise o müşterinin hesâbına olarak fürûht edeceği eshâm ve tahvîlât ve senedâtın mikdârını borsa kâtibine beyân etmek lâzım gelir.

Anın üzerine üç gün mürûr etmedikçe zikr olunan müşterinin ismini kâtib mûmâileyhe bildirmeyecektir.

Üç gün müddetin hitâmında ism-i mezkûr cedvel-i mahsûsuna derc ve idhâl olunur.

Sekizinci Fasıl
( Ahkâm-ı Umûmiye )

Elli ikinci madde — Borsanın açılıp kapanma zamanları ve primlerin cevâbı verilme vakitleri fusûl ve mevâsime göre komite tarafından ta'yîn olunur. Evkât-ı mezkûre borsanın dâhilinde bir mahalle ta'lîk olunan cedvel-i mahsûs ile bildirilir ta'yîn olunan vakitler borsanın saati i'tibâriyle olup saatler dahi çan ile i'lân olunur.

Elli üçüncü madde — Borsanın kapalı olacağı yortu günleri her üç ayda bir kere komite tarafından ta'yîn olunup bunun için bir cedvel tanzîm ve herkesin ma'lûmu olmak üzere ta'lîk olunur.

Dokuzuncu Fasıl
( Mevâdd-ı Cezâiye )

Elli dördüncü madde — Borsa a'zâsından biri bir simsar ile bi'l-ittifâk müvekkilinden bir mikdâr akçe ketm edecek olur ise gerek kendisi ve gerek o simsar tard ile mücâzât olunur.

Komite tarafından bu bâbda verilen hüküm ve i'lâmın sûreti borsada ta'lîk olunacaktır.

Elli beşinci madde — Borsa a'zâsından birinin tard olunması hademesinin dahi matrûdiyetlerini müstelzimdir.

( Onuncu )