498

( Turuk ve Maabir Nizamnamesinin dokuzuncu maddesine )
( Tezyil olunan fıkra-i nizamiyedir ) [*]

Gerek yevmiye ve gerek ücret-i maktûa ile köprüler inşaatında yani temeller hafriyatı ve hafr olunan mahallerde bulunan suların ihracı ve bu ameliyat civarında imalat-ı türabiye icrası ve kereste ve taş ve sair her nevi levazımın nakl ve ihracı ve harç ve çimento i'maliyle kargir ve ahşab işler gibi i'mâlât-ı sınaiyede istihdam olunan ustaların yanlarında turuk ameliyatında istihdamları işbu nizam iktizasından bulunan amele-i mükellefe hayvan ve arabalarıyla beraber kullanılacaklardır.

Fi 12 Rebiülevvel sene 292 ve fi 6 Nisan sene 291

( Memalik-i Mahrûse-i Şahanede müsaade-i imtiyaziye ve ruhsat-ı resmiye istida )
( edenlerin ifa etmeleri lazım gelen şerait ve merasime )
( dair nizamnamedir )

Birinci Madde — İşbu nizamname neşr ve ilanı tarihinden itibaren bir müsaade-i imtiyaziye veyahut ruhsat-ı resmiye istihsalini icab eden bir teşebbüs için imtiyaz istida edenler şerait ve merasim-i âtiyeyi ifa etmedikçe istidaları nezd-i Devlet-i Aliyye’de karin-i is’af olmayacaktır.

İkinci Madde — Sahib-i istidanın taleb eylediği müsaade-i imtiyaziye veyahut ruhsat-ı resmiyenin icraat ve muamelatı için gerek kendi namına ve gerek müvekkilleri namlarına olmak üzere Dersaadet’de bir mahall-i mahsus ittihaz etmesi lazımedendir.

Üçüncü Madde — Sahib-i istidanın müsaade-i imtiyaziyeden neş’et eden şerait ve taahhüdatın tamamı icrasına servet ve iktidarı bir suret-i kafiyede emniyet-bahş olmadığı halde istidanamesiyle mutasavver olan teşebbüsün icrasına girişecek ve kudret-i maliyeleri şerait-i imtiyaziyeden terettüb eden

[*] Mezkûr madde ikinci cildin 302 nci sahifesinde mündericdir.

( Taahhüdatın )