507

İdare-i vilayetden hükm ve kararı mutazammın tanzim olunacak mazbata doğruca
Hazine-i Evkaf-ı Hümayun’a gönderilmekle beraber mahalline dahi malumat verilecektir
tecdid-i berat ile zayi‘den beravat-ı şerife tastiri ve umur-ı evkafa müteallik
evamir-i aliye tasdiri ve hazinece mukayyed olmayan atik ve cedid vakfiyelerin
cihat kalemine kaydı ve hazinede mukayyed vakfiye suretlerinin itası içün
mahallerince istida vukuunda cihat hakkında mevad-ı sabıka ile tayin olunan
muamelat tamamıyla icra kılınacaktır

( Harc-ı Cihat Tarifesidir )

Memalik-i Mahrusa-i Şahanede kain bilumum cihat içün mahallerince alınmakda olan
inha ve ilam Hazine-i Evkaf-ı Hümayunca dahi ahz olunagelinen mahkeme-i teftiş
ve aklam harclarının cümlesi birleştirilerek ve tadilat-ı mukteziye icra ederek
bundan böyle gayr-ı ez varaka baha alınması lazım gelen harcların mikdarları mevad-ı
atiye ile tayin kılınmıştır

İmamet ve hitabet ve meşihat ve müderrislik ve dersiamlık ve müezzinlik ve kayyımlık ve devr
hanlık cihetleriyle bunlara mümasil hidemat-ı şakkası olan cihatın muhassasat
ve varidatı olmayıb da hizmetleri hasbi olduğu veyahud bir senelik varidatı
elli kuruşdan dun bulunduğu halde bu misillü cihat içün yalnız elli kuruş
harc alınacaktır

Cihat-ı mezkûrenin maaş ve vazife ve fodla ve hınta ve şaîr gibi muayyenat
ve muhassasatı ve tarla ve bağ ve bahçe ve dekakin ve akarat-ı saire ve süknası veyahud
icarı meşrut menazil misillü merbutatı olduğu halde bunların iki senelik
menafii ve varidatı bilhesab her kaç kuruşa baliğ olur ise tansif olunarak
bir seneliğine isabet eden mikdarının nısfı alınacaktır

Tevliyet ve kitabet ve cibayet ve zaviye-darlık ve çiftlik ve mezraa ve malikâne
mutasarrıflığı misillü cihetlerin ashabına aid olacak iki senelik menafii ve varidat
ve muhassasat ve muayyenatı bilhesab her ne mikdara baliğ olur ise tansif olunarak
bir seneliğine isabet eden mikdarı alınacaktır

Aynen verilen duagûy fodlasının beher çiftinden otuz kuruş ve yevmi