512

Onda birine müsavi ücret-i kâtibiye alınacaktır ve kâtib kangı mahkemenin kâtibi olduğunu ve harcı ahz eylediğini mukavelenamenin zahrına işaretle imza ve hatm edecektir.

Ba'dehu kontrato idaresinde canib-i mirî içün alınacak harcdan bu kâtibiye tenzil olunacaktır.

Yedinci madde: İcare-i vahideli olan akarat-ı mevkufe üç seneden ziyade müddet ile icar olunamaz. Sair akaratın dahi dokuz seneden ziyade müddet ile icarı tecviz kılınamaz.

Sekizinci madde: Akar-ı me'cur müşterek ise hissedarların mikdar-ı hisseleri başka başka mukavelenameye derc olunacaktır.

Dokuzuncu madde: Mukavelenameler iki nüsha olarak yapılıp tarafeyn ve kefili var ise anın dahi temhir ya imza etmesi lazımdır.

Onuncu madde: Akar müşterek yakhud müste'cir müteaddid olup da her biri bir nüsha ister ise ana göre müteaddid nüshalar yapılacaktır.

On birinci madde: Mukavelenamelerin her nüshası damgalı kâğıd üzerine yazılacaktır.

Ve her nüsha kimin elinde kalacak ise damga bahası ana aid olacaktır.

On ikinci madde: Mukavelename ber-vech-i bâlâ tanzim olunduktan sonra akar-ı me'cur hane olduğu halde eğer ehl-i İslam mahallesinde ise imam ve muhtarlara ve eğer tebaa-i gayr-i müslime mahallesinde ise yalnız muhtarlara ve dükkan ve mağaza gibi icra-yı san'at ve hirfete mahsus akar olduğu halde mensub olduğu esnaf kethüdasına götürülüp anlar dahi bir gûna mani ve mahzur görmedikleri surette mukavelenameyi mahalle veya esnaf defterine kayd ile her nüshasını bi't-temhir akar ashabından beş guruş mühür parası ahz ile derhal mukavelename nüshalarını ellerine teslim edeceklerdir.

Fakat daire-i belediyesi olan yerlerde mukavelenameler idare-i belediye tarafından temhir ve tasdik kılınacaktır.

On üçüncü madde: Mukavelenameler ber-vech-i bâlâ imam ve muhtarlar yakhud esnaf kethüdaları ve yakhud idare-i belediye tarafından temhir ve tasdik olunduktan sonra

( Kontrato )