516

Yirmi sekizinci madde: Akar-ı me’cur vakıf yahud arz-ı mirî olub da sahibi hakk-ı intikale nail veresesi olmadığı halde vefat ederek mahlul olursa sahibinin vefatı tarihinden itibaren ol akarın bedel-i icaresi vakfına yahud mirîye aid olur.
Ve mucir-i müteveffa eğer ücreti ber-vech-i peşin almış ise müddet-i bakiyenin ücreti terekesinden istifa olunur.
Şu kadar ki eğer mahlul olan akar bağ ve bağçe ve bostan ve çiftlik ve tarla ve çayır olub da yere tohum ekilmiş ve otlar bitmeğe başlamış ise mahsul idrak edinceye değin bu akaratın menafii müteveffanın terekesine aid olur.

Yirmi dokuzuncu madde: Ba-mukavelename bir hanı toptan isticar etmiş olan kimse odalarını ayrı ayrı kiraya verecek oldukda tahriren mukavele edebildiği gibi şifahen dahi mukavele edebilir.
Fakat tahriren mukavele ettiği takdirde usulü üzere kontrato idaresine kayd ve tasdik ettirmekle muteber olur.
Ve bu suretde mukaddema harcı toptan alınmış olduğu cihetle tekrar harc alınmayıp yalnız beş kuruş kaydiye alınır.
Ve eğer kayd ve tasdik ettirmeksizin yahud şifahen akd-i mukavele ile iktifa ederse şerait-i mukavelesi suret-i resmiyede muteber tutulmayıp müste’cir istediği vakitde oturduğu müddetin kirasını verip çıka bilir.
Ve böyle tasdik olunmayan mukavelatdan dolayı zuhur eden münazaat Dersaadette Bab-ı Zabtiyece ve taşralarda mahalli hükümetlerince tesviye olunacakdır.

Otuzuncu madde: Bir hanın sahibi odalarını bizzat ayrı ayrı kiraya verecek olur ise madde-i anifede beyan olunan vechle muamele olunacakdır.
Fakat mukavelename tanzimiyle resmen tasdik ettirecek olduğu halde lazım gelen harc kendisinden alınacakdır.

Otuz birinci madde: Bir hanın müste’ciri ve yahud sahibi bir ya bir kaç odasını diğerine icar ettiği suretde yirmi dokuzuncu ve otuzuncu maddeler hükmünce muamele olunacakdır.

Otuz ikinci madde: Müste’cir me’curu tahrib ettiği ve sahibi men’e (muktedir)