525

Satmak ve açıkda adam tıraş etmek memnu‘ olub ancak seyir yerlerinde kebap pişirmek ve bir cami‘-i şerif havlisinde ve hali mahalde adam tıraş etmekde be’s olmayacağından bunların gayrı mugayir hareketde bulunanlar tutulup şehremanetine gönderilecekdir.

Yirmi sekizinci madde: Yapı yapdıranların kereste ve saireyi ve tüccar ve mağazacıların balya ve fıçı ve çuval ve denk gibi şeyleri sokak ortasında bırakmaları veyahut dükkanları önünde durdurmaları memnu‘ olduğundan bunlar görüldüğü anda başı ucunda durulup kaldırdılacak ve dikilen olur ise keyfiyet derhal şehremanetine bajurnal beyan olunacakdır.

Yirmi dokuzuncu madde: Dükkanların kepenklerinin mani‘-i mürur olacak suretde sokağa konmamasına ve fırınların küreklerinin saçları dükkandan hiç dışarı çıkmamasına dikkat olunacakdır.

Otuzuncu madde: Börekci dükkanlarında i‘mal olunan poğaça ve börek ve saire hamur tahtalarının temiz olmasına ve hamurcuların illetden salim bulunmasına ve kullandıkları yağlar mum i‘mal olunan don yağı ve saire gibi ekl-i sıhhate muzır ve müteaffin şeyler olmamasına ve kokmuş ve kurtlanmış pizavat ve ciğer kullandırılmamasına dikkat olunarak hilafı hareket edenler görüldüğü anda bajurnal daire-i emanete gönderilecekdir.

Otuz birinci madde: Hamamlarda müşteriye verilen havlu ve peştamal ve saire daima pak ve temiz olmasıyla beraber na‘linlerin tasmaları ve ayakları köhne ve fersude olmayıb isti‘male şayan olacakdır ve aksi görüldükde bir defa hamamcılarına tenbih olunup dinlemeyen olur ise bajurnal daire-i emanete bildirilecek ve uygunsuz makule dellak bulundurulmak asla caiz olmadığından bu suret dahi her bar teftiş olunup bu makule hamamcılardan ağır ceza-yı nakdi alınarak kaviyyen men‘ olunacakdır.

Otuz ikinci madde: Bakkal esnafı ile pazarcıların füruht eyledikleri yağlar çerviş ve sade yağı olub memnu‘ olan mahlut ve müteaffin yağlar ve peynir ve sair erzak her kimde bulunur ve görülür ise derhal zabt olunarak