545

On üçüncü madde hizmet-i askeriyede bulunacak eczacılara kur'a hakkında Mekteb-i Mülkiye şakirdanı misillü muamele olunacağı gibi tekaüdü lazım gelenlere ve fevt olanların eytam ve eramiline nizamname-i mahsus ahkamına tevfîkan icab eden maaşlar tahsis kılınacaktır.

Fî 14 Rebîülâhir sene 293

( Bîmarhanelere Dair Nizamnamedir )

Birinci madde kangı milletden olur ise olsun bir kimse Hükümet-i Seniyye’den ruhsat-ı resmiye almadıkça bîmarhane te’sis edemeyecektir ve ruhsat-ı resmiye almıyarak küşad olunmuş olan bîmarhaneler ruhsat-ı resmiye istihsaline mecbur olacaktır Dersaadet ve Memalik-i Mahrûse-i Şahane’nin sair taraflarında bîmarhane te’sisi ruhsat-ı resmiyesi Mekteb-i Tıbbiye Nezareti tarafından verilecektir.

İkinci madde hanelerde bir mecnun zuhur edüp familyası bağlamağa mecbur olduğu halde bağlanup akîben hükümete ihbar ile kaide-i mevzuasına tatbikan muayene ettirilecek ve o misillü haber verilen mecanin biri zabıta tarafından ve bir de familyası canibinden iki tabib tayiniyle muayene olunacaktır.

Üçüncü madde bîmarhane ittihaz olunacak mahallerin mevki' ve vus'ati ve hıfz-ı sıhhate kifayeti ve mecaninin derecelerine göre tefrikiyle sınıf sınıf ikameti ve her birlerine hal ve ihtiyacatına münasib tedabir-i tıbbiye ve nafia tertib ettirilmesi mîrî darüşşifalarında hükümete aid olacak ve sair ispitalyalarda dahi bu maddelere hükümetin nezareti inzimam edecektir.

Dördüncü madde umumi ve hususi bîmarhanelerin mes'ul olan müdürleri âti'z-zikr evrak ve senedat kendilerine ibraz ve takdim olunmadıkça marza-yı cünûnu kabul edemeyecekler ve buna dair vukua gelecek istid'alarda bîmarhaneye vaz'ı istid'a olunan kimse ile müsted'inin isim ve şöhret ve san'at