550

Yirmi birinci madde
Bilcümle bimarhane müdürleri işbu nizamnameye ittibâen cemî‘ usûl ve muâmelâtın icrasına mecbur olup kusur ve tekâsül vukuunda kanunen te’dib olunacaklardır.

Yirmi ikinci madde
Bir şahıs meslûb-uş-şuûr olmadığı halde tebdil-i din ve mezheb etmeğe veyahud familyasının kabul etmediği bir şahıs ile izdivaca kıyam etmesinden ve bu gibi bazı esbabdan nâşî li-ecli’t-tazyîk akrabası veyahud sâirleri cânibinden cinnet azviyle bilâ-sebeb bimarhaneye idhâline müdürler cesaret ederler ise haklarında kanunen tertib-i ceza edilecektir.

Fî 19 Safer sene 293 ve fî 3 Mart sene 292

(Bâ-irâde)