563

hüsn-i sûretle erbâh ve tenmiyesine ve muhtâcîn-i milletin hayrına ve mevâdd-ı rûhâniye
sâireye dâir müzâkere ederler meclisin karâr ve müzâkerâtı patrik tarafından icrâ
olunur patriğin gaybûbet veyâ hastalık gibi mâzeret-i şer'iyesi vukûunda
tarafından tevkîl edeceği metropolid veyâhut piskopos ve arkimandrit yerine
kâim olur

Fasıl-ı sânî
(Patrik intihâbına dâir)

Dördüncü madde: Kudüs patrikliği mesnedinde hal vukûunda meclis-i rûhânî
bi'l-ictimâ Kudüs'te bulunan metropolidan ve piskoposlardan evsâf-ı matlûbeyi
câmi' bir zâtı kâimmakam olmak üzere intihâb edip keyfiyet-i hâli ve kâimmakam
olacak zâtı bâ-mazbata cânib-i mutasarrıfîye beyân ve takdîm edip mutasarrıflık
cânibinden dahi derhâl makâm-ı muallâ-yı sadâret-i uzmâya îcâbına göre telgraf
veyâhut tahrîrât ile arz-ı keyfiyet olunarak gerek kâimmakam-ı mumâileyhin
memûriyetinin tanınmasını ve gerek patrik intihâbının ber-mûcib-i nizâm icrâ olunmasını
âmir cevâben tastîr buyurulacak telgrafnâme ve emirnâme-i sâmî mûcibince hareket
olunacaktır

Beşinci madde: Madde-i sâbıkanın ahkâmı icrâ olunduktan sonra kâimmakam
tarafından patrikliğin kürsüsüne tâbi ve mütemmimi olan metropolidlere ve piskoposlara
mektuplar yazılıp meâlinde patrik intihâbı içün metropolidlerle piskoposların
nihâyet yirmi bir gün zarfında Kudüs-i şerîfte bulunmaları bildirilecek ve ahâli
tarafından meclis-i intihâbda bulunmak üzere her metropolidlikden ve piskoposlukdan
birer müteehhil papasın kezâlik müddet-i muayyene zarfında Kudüs'e gelmeleri ahâlisine mahsûsan
iş'âr kılınacaktır

Altıncı madde: Müddet-i mezkûre hulûlünde med'uvlar Kudüs-i şerîf manastırında
tecemmu' etmiş olacağından bi'l-cümle metropolidlerle piskoposları câmi' olmak üzere
meclis-i mezkûr-ı rûhânî bi'l-ictimâ her birerleri işbu patrikliğin kürsüsüne mensûp
ve tâbi' olarak gerek Kudüs'te bulunsun ve gerek hâriçte olsun metropolid ve piskopos
ve arşimandrit mertebelerini hâiz bulunanlardan patrikliğe müstahak bildikleri zevâtın
isimlerini ayrı ayrı bir varakaya tahrîr ve imzâlarıyla kâimmakama vereceklerdir