Büyük Dil Modeli Tarafından Üretilen Metin
567
( Mahbûsînin hidemât-ı mîriyye ve şahsiyyede istihdamlarında alacakları )
( Ücretler hakkında emirnâme-i sâmî )
Mahbesde bulunub bi'r-rızâ ücret-i münâsebe ile hidemât-ı mîriyye ve şahsiyyede istihdam
olunanlardan alınan ucûrâtın nısfı kendülerine virilüb nısf-ı dîgeri küşâd
idilmiş olan sanduğa konulmakda bulunduğu cihetle bundan şimdiye değin hayli
akçe terâküm itdiğinden ve idâmesi hâlinde tekessür ideceğinden bahisle ne yolda
idâre olunmak lâzım geleceği ve bunlardan ikmâl-i müddet ile sebîli tahliye kılınanlara
işbu akçeden bir şey virilüb virilmeyeceği ba'zı mahalden suâl idilmiş ve icrây-ı
san'at iden mücrimînin ma'mûlâtı fürûht ile esmân-ı hâsılasından mesârif-i
vâkı'a ifrâz ve kendülerinin dahi iktizâ idüb aldıkları mikdâr akçe tenzîl
idildikden sonra üst tarafı emânet sanduğunda hıfz olunmak ve her birlerinin
istihkâkı yedlerinde bulunan sened-i mahsûslarına derc idilerek ikmâl-i müddet-i mahbûsiyyetiyle
tahliye kılınanların matlûbları her neye bâliğ olur ise yedlerine virilmek hapishâne-i
umûmiyyece cârî bulunduğu zaptiyye nezâret-i behiyyesi makâmıyla cereyân iden muhâbere
cevâbında dermeyân olunmuş olub mahbûsînin semere-i sa'y ve amelleri olan
nukûddan bir mikdârının zamân-ı mahbûsiyyetlerinde def'-i ihtiyâcları içün kendülerine
i'tâsıyla mâ'adâsının bi'l-istirbâh sebîllerinin hîn-i tahliyesinde ma'a temettu' kâmilen
yedlerine teslîmi mebâliğ-i müterâkimenin hüsn-i muhâfazasıyla berâber mahbûsînin istifâdelerini
müstelzim olacağından ba'd-ez-în mahbûsînin ucûrâtından hâsıl olacak akçenin
emniyet sandığı mu'âmelâtına tevfîkan idâresinin her tarafda usûl ittihâzı ve işbu
idârenin emniyet sandığı bulunmayan mahallerde dâire-i belediyyeye ve dâire-i belediyyesi
olmayan yirlerde dahi hükûmet-i mahalliyyenin münâsib göreceği me'men bir vâsıtaya
tevdî' ve ihâlesi şûrây-ı devletden bâ-mazbata ifâde olunmuş ve bu yolda terâküm
idecek mebâliğin menâfi' sandıkları vâsıtasıyla istirbâh olunması tensîb
olunarak bu sûretle icrây-ı îcâbı ta'mîmen vilâyâta ve sûret-i mahsûsada
idâre olunan mutasarrıflıklara iş'âr ve sûret-i muhâl dîvân-ı ahkâm-ı adliyye ve nezâret-i
müşârün-ileyhâya beyân ve izbâr kılınmış olmağın
Fî 21 Rebî'ü'l-âhir sene 292
( Mahbûsînin hidemât-ı mîriyye ve şahsiyyede istihdamlarında alacakları )
( Ücretler hakkında emirnâme-i sâmî )
Mahbesde bulunub bi'r-rızâ ücret-i münâsebe ile hidemât-ı mîriyye ve şahsiyyede istihdam
olunanlardan alınan ucûrâtın nısfı kendülerine virilüb nısf-ı dîgeri küşâd
idilmiş olan sanduğa konulmakda bulunduğu cihetle bundan şimdiye değin hayli
akçe terâküm itdiğinden ve idâmesi hâlinde tekessür ideceğinden bahisle ne yolda
idâre olunmak lâzım geleceği ve bunlardan ikmâl-i müddet ile sebîli tahliye kılınanlara
işbu akçeden bir şey virilüb virilmeyeceği ba'zı mahalden suâl idilmiş ve icrây-ı
san'at iden mücrimînin ma'mûlâtı fürûht ile esmân-ı hâsılasından mesârif-i
vâkı'a ifrâz ve kendülerinin dahi iktizâ idüb aldıkları mikdâr akçe tenzîl
idildikden sonra üst tarafı emânet sanduğunda hıfz olunmak ve her birlerinin
istihkâkı yedlerinde bulunan sened-i mahsûslarına derc idilerek ikmâl-i müddet-i mahbûsiyyetiyle
tahliye kılınanların matlûbları her neye bâliğ olur ise yedlerine virilmek hapishâne-i
umûmiyyece cârî bulunduğu zaptiyye nezâret-i behiyyesi makâmıyla cereyân iden muhâbere
cevâbında dermeyân olunmuş olub mahbûsînin semere-i sa'y ve amelleri olan
nukûddan bir mikdârının zamân-ı mahbûsiyyetlerinde def'-i ihtiyâcları içün kendülerine
i'tâsıyla mâ'adâsının bi'l-istirbâh sebîllerinin hîn-i tahliyesinde ma'a temettu' kâmilen
yedlerine teslîmi mebâliğ-i müterâkimenin hüsn-i muhâfazasıyla berâber mahbûsînin istifâdelerini
müstelzim olacağından ba'd-ez-în mahbûsînin ucûrâtından hâsıl olacak akçenin
emniyet sandığı mu'âmelâtına tevfîkan idâresinin her tarafda usûl ittihâzı ve işbu
idârenin emniyet sandığı bulunmayan mahallerde dâire-i belediyyeye ve dâire-i belediyyesi
olmayan yirlerde dahi hükûmet-i mahalliyyenin münâsib göreceği me'men bir vâsıtaya
tevdî' ve ihâlesi şûrây-ı devletden bâ-mazbata ifâde olunmuş ve bu yolda terâküm
idecek mebâliğin menâfi' sandıkları vâsıtasıyla istirbâh olunması tensîb
olunarak bu sûretle icrây-ı îcâbı ta'mîmen vilâyâta ve sûret-i mahsûsada
idâre olunan mutasarrıflıklara iş'âr ve sûret-i muhâl dîvân-ı ahkâm-ı adliyye ve nezâret-i
müşârün-ileyhâya beyân ve izbâr kılınmış olmağın
Fî 21 Rebî'ü'l-âhir sene 292