75

Kalmış olduğu halde hissedarlardan biri rücu edecek olsa bakılır
Eğer kısmet rıza ise rücu edebilir
Ve eğer kısmet kaza ise rücu edemez

1159 Madde Ba’de’l-kısme hissedarlar kendi rızalarıyla kısmeti fesih ve ikale
ederek maksumu kemâ fi’s-sâbık beynlerinde müşterek edebilirler

1160 Madde Kısmetde gabn-i fahiş olduğu tebeyyün eder ise fesih olunarak
tekrar kısmet-i âdile ile taksim olunur

1161 Madde Terekenin taksiminden sonra meyyitin deyni zuhur etse kısmet
fesih olunur
Meğer ki verese deyni ifa yahud dâinler alacaklarından anları ibra ederler ve yahud
meyyitin maksumdan başka malı olup da borç anınla ifa olunur ise ol
halde kısmet fesih olunmaz

Fasl-ı Sâmin
(Ahkâm-ı Kısmet Beyanındadır)

1162 Madde Hissedarlardan her biri ba’de’l-kısme kendi hissesine müstakillen
malik olur birinin hissesinde artık diğerinin alakası kalmaz
Ve bâb-ı sâlisde beyan olunacağı vechle her birisi kendi hissesinde keyfe mâ yeşâ
tasarruf eder
Hatta iki kişi beyninde müşterek bir hane taksim olunup da birinin hissesine ebniye
ve diğerinin hissesine arsa-i hâliye isabet ettiği suretde arsa sahibi
ol arsada kuyu kazar ve kâriz yapar ve ebniye inşa edip dilediği kadar
yüksek çıkar ebniye sahibinin havasını yahud güneşini sedd etse bile mani
olamaz

1163 Madde Arazi taksiminde eşcar ve çiftlik taksiminde eşcar ile ebniye
min-gayri zikr dâhil olur
Yani eşcar ve ebniye kimin hissesinde bulunur ise anın olur
Hîn-i taksimde zikr ve tasriha yahud cemî-i hukukuyla veyahud cemî-i merafıkıyla
denilmek gibi bir tabir-i umumi ile idhale hacet yoktur

1164 Madde Gerek arazi ve gerek çiftlik taksiminde ekin ve meyve zikr