Timuryol ve sâir inşâât şartnâmesi 151

Masârif-i Müteferri'a

Eşyâ-yı zâtiyenin fazlası olsun olmasun tarife ücretinden mâadâ ber-vech-i âtî ücûrât ahz ve istîfâ kılınacakdır şöyle ki her pusulada muayyen olarak yirmi pâre kaydiye resmi ve katarların vürûdundan sonra kaldırılmayan eşyânın beher denki içün yevmî beşer pâre mağaza resmi te'diye olunacak ve kumpanyanın ısrarı ve mürsil veyâ mürselün ileyh talebi üzerine tekrâr vezn edilen eşyâdan kumpanya iddiâsında haklı çıkdığı hâlde kesr gayr-ı münkasım olmak üzere beher yüz kilogram içün yirmi pâre mîzân resmi alınacakdır

Üçüncü Tarife

(Köpeklere dâirdir)

Gerek yolcu katarları ve gerek muhtelit katarlar ile gönderilen köpeklerin beherinden kilometro başına dört pâre ücret alınur bu ücretin akall derecesi sekiz kilometro başına bil-hisâb istîfâ kılınur

Masârif-i Müteferri'a

Tarife ücretinden mâadâ her köpekden hemân kaydiye resmi olarak yirmi pâre ve köpeğin vusûlünde sâhibi olmayub da sâhib-i imtiyaz hıfz itmiş olur ise yevmî beş guruş ahz olunur

Dördüncü Tarife

(Seyr-i serî' ile gönderilecek eşyâya dâirdir)

Kesr gayr-ı münkasım olmak üzere on kilogramın kilometro başına ücret-i nakliyesi bir pâredir